«statistika» tegli maqolalar
2020-yilda 7 110 nafar shaxs ozodlikdan maxrum qilingan
Oliy sud ma’lumotlariga ko‘ra, 2020 yilda 38 149 nafar shaxsga nisbatan 30 284 ta jinoyat ishi ko‘rilgan. Sudlanganlar esa 27 999 nafarni tashkil etgan. Shundan 7 110 nafariga qamoq jazosi tayinlangan. Yil davomida 781 nafar shaxs oqlangan.
Bog‘cha yoshidagi 2,7 mln bolaning qariyb 61 foizi maktabgacha ta’lim bilan qamrab olingan
Respublikada mavjud bolalar bog‘chasiga 2,7 mln bolaning qariyb 61 foizi qatnaydi. 2017-yilda bu ko‘rsatkich 27,7 foiz bo‘lgan. Ular bilan esa jami 116 996 nafar pedagog shug‘ullanadi. Prezident 2023-yilda maktabgacha ta’lim qamrovini 75 foizga yetkazish topshirig‘ini bergan.
SSV koronavirus bo‘yicha rasmiy statistikadagi farqlarga izoh berdi
Sog‘liqni saqlash vazirligi koronavirusga ixtisoslashgan shifoxonalardagi bemorlar soni va davolanayotgan koronavirus bemorlari ko‘rsatkichlardagi farqlarga izoh berdi. Unga ko‘ra, rasmiy statistikaga faqatgina maxsus laborator tekshiruvlarda koronavirus tasdiqlanganlar kiritiladi. Shifoxonalar statistikasida esa kasallik belgilari mavjud yoki pnevmoniya bo‘lganlar, lekin infeksiya tasdiqlanmagan bemorlar ham kiritilgan bo‘ladi.
Rasmiy statistikani ishlab chiquvchilar besh yilda bir marta auditdan o‘tadi
Hukumat qarori bilan rasmiy statistikani ishlab chiquvchilarning statistika metodologiyalarini auditdan o‘tkazish tartibiga oid nizom tasdiqlandi. Unga ko‘ra, besh yilda kamida bir marta audit o‘tkazilishi hamda aniqlangan kamchiliklar majburiy bartaraf etilishi belgilanmoqda.
9 oy davomida kuzatilgan o‘lim holatlari statistikasi e’lon qilinmadi
So‘nggi yillarda birinchi marta Davlat statistika qo‘mitasi O‘zbekistondagi demografik vaziyat to‘g‘risidagi hisobotga o‘lim holatlari statistikasini kiritmadi. Qo‘mita Adliya vazirligi va Sog‘liqni saqlash vazirligi ma’lumot bermaganligi haqida ma’lum qildi. Avvalroq «Gazeta.uz» koronavirus pandemiyasi sababli vafot etganlar soni iyul oyida mamlakatda 26,4 foizga, Toshkentda esa 2,6 martaga oshganini yozgan edi.
Oktabr oyida inflyatsiya 1,4 foizni tashkil etdi
Oktabr oyida inflyatsiya 1,4 foizni tashkil etdi. Oziq-ovqat mahsulotlari 2,3 foizga, nooziq-ovqat mahsulotlari 0,8 foizga, xizmatlar 0,7 foizga qimmatlashdi.
9 oyda qariyb 20 ming oilaga darz ketdi
2020 yilning yanvar-sentyabr oylarida 19 970 ta bekor qilingan oilaning 49,8 foizi farzandsiz, 50,2 foizi esa bir va undan ko‘p farzandli hisoblanadi. Eng ko‘p ajralish holatlari Toshkent shahriga to‘g‘ri kelmoqda.
Respublikada 9 oy ichida 65,2 trln so‘mlik qurilish ishlari bajarildi
Yanvar-sentyabr oylarida O‘zbekistonda jami 65,2 trln so‘mlik qurilish ishlari bajarildi. Qurilish ishlarining 95,8 foizi nodavlat mulkchiligidagi korxona va tashkilotlarga to‘g‘ri keladi.
O‘zbekiston viloyatlarida qancha avtomobil ro‘yxatdan o‘tkazilgan
O‘zbekistonda jismoniy shaxslarga tegishli bo‘lgan 2,5 mlndan ortiq avtotransport vositalari mavjud, shulardan 93% yengil avtomobillar. Eng ko‘p avtotransport vositalari Toshkent shahriga, eng kami esa Sirdaryo viloyatiga to‘g‘ri kelmoqda.
COVID-19 bo‘yicha rasmiy statistika qanchalik to‘g‘ri?
O‘zbekistonda koronavirus bo‘yicha rasmiy statistika ma’lumotlari yuzasidan savollar bor. Daryo.uz nashrining bemorlar 2−3 kun ichida «tuzalib ketayotgani» to‘g‘risidagi maqolasidan keyin Sog‘liqni saqlash vazirligi hududlar bo‘yicha batafsil statistikani e’lon qilishni to‘xtatdi. Oldinroq vafot etgan koronavirus bemorlarining jinsi, yoshi, ism-sharifining bosh harflari va yashash (davolanish) joylari bo‘yicha ma’lumotlarni ochiqlash ham to‘xtatilgan edi.
O‘zbekiston avgust oyida rekord darajada oltin sotdi
O‘zbekiston yanvar-avgust davri davomida 5,8 mlrd dollarga, avgust oyining o‘zida esa 2,5 mlrd dollardan ziyod summaga teng bo‘lgan miqdorda oltin eksport qildi. Bu ko‘rsatkich o‘tgan yilning mos davriga nisbatan 147,2% ni tashkil etib, 1,8 mlrd dollarga ko‘proq. Oltin eksporti jami eksport ulushining 50% ni tashkil etoqda.
O‘zbekistonda o‘lim darajasi iyul oyida 26,4%ga, Toshkentda deyarli 166%ga o‘sdi
Iyul oyi bo‘yicha o‘lim holatlari soni so‘nggi to‘rt yilga nisbatan O‘zbekistonda 26,4%ga, Toshkentda deyarli 166%ga, Toshkent viloyatida 43,8%ga, Navoiy viloyatida 51,7%ga o‘sdi. «Gazeta.uz» so‘nggi besh yil ichida yanvar oyidan iyul oyigacha bo‘lgan o‘lim darajasi bo‘yicha ma’lumotlarni o‘rgandi va koronavirus pandemiyasi davrida raqamlar qanday o‘zgarganligini tahlil qilib chiqdi.
O‘zbekistonda yil boshidan 92 mingdan ortiq o‘lim holati qayd etilgan
Yanvar-iyul oylarida O‘zbekistonda 92 mingdan ortiq o‘lim holati qayd etildi. Eng ko‘p o‘lim iyul oyida kuzatildi.
Yarim yilda ro‘yxatga olingan nikohlar soni chorak qismga, ajralishlar 20 foizga qisqardi
O‘zbekistonda yarim yil davomida 75,5 mingta nikoh va 12,8 mingta ajrimlar ro‘yxatga olinib, o‘tgan yilning shu davriga nisbatan mos ravishda 27,5% va 20% pastroq ko‘rsatkich qayd etildi. Ajrashgan oilalarning 19,6 foizi (2500 taga yaqini) ikki va undan ortiq farzandga ega.
Statistikani rivojlantirish strategiyasi qabul qilindi
Prezident 2025 yilgacha mo‘ljallangan statistikani rivojlantirish milliy strategiyasini tasdiqladi. Davlat statistika qo‘mitasining barcha davlat idoralaridan mustaqilligi ta’minlanadi. Qo‘mita qoshidagi jamoat kengashiga nodavlat-notijorat tashkilotlar, biznes va ommaviy axborot vositalari vakillari jalb qilinadi.
O‘zbekiston aholisi yarim yilda 286,5 ming kishiga o‘sdi
O‘zbekiston aholisi 2020 yilning yanvar-iyun oylarida 286,5 ming kishiga o‘sgan. Mamlakatda bu vaqt oralig‘ida 365,2 ming nafar chaqaloq tug‘ilgan, 74,6 ming kishi esa vafot etgan.
«U ham tan olinishga loyiq» — COVID-19dan vafot etgan SEOM xodimining opasi
62 yoshida Chilonzor Sanitariya-epidemiologiya farovonligi markazining bakteriologik laboratoriyasi mudiri Marhabo Ahmedova vafot etdi, uning koronavirus yuqtirganligi aniqlangan. Sog‘liqni saqlash vazirligi bu holat haqida xabar bermadi. Marhumaning opasi, 40 yilini tibbiyotga bag‘ishlagan Marhabo Ahmedova boshqa tibbiyot xodimlari singari tan olinishga loyiq, deb hisoblaydi.
Eng ko‘p o‘qilgan xabarlar | So‘nggi yangiliklar
- O‘zbekistonda metan zapravkalarga gaz yetkazib berish vaqtincha cheklandi
- Xonanda Shirin Abdullayeva 19 yoshida vafot etdi (1)
- O‘zbekistonning har bir tuman va shahrida kamida bittadan inklyuziv maktab tashkil etiladi
- Toshkentda voyaga yetmagan qizni mehmonxonaga olib borib, unga shilqimlik qilgan va jarohat yetkazgan erkak qamaldi
- Video: Buxorodagi xonadonda gaz portladi
Qo‘shimcha imkoniyatlardan foydalanish uchun saytda ro‘yxatdan o‘ting