«ukraina» tegli maqolalar
AQSh o‘t ochish to‘xtatilganidan keyin Ukrainada saylovlar o‘tkazilishini xohlaydi — Reuters
AQSh Kiyev yaqin oylarda Rossiya bilan sulh tuzishga rozi bo‘lsa, Ukrainada prezident va parlament saylovlari o‘tkazilishini istaydi, dedi Trampning mazkur urush bo‘yicha maxsus vakili. G‘olib Moskva bilan uzoq muddatli kelishuv bo‘yicha muzokaralar olib borish uchun javobgar bo‘lishi mumkin, deb yozdi Reuters.
Buyuk Britaniya va Ukraina 100 yilga mo‘ljallangan sheriklik bitimini imzoladi
Buyuk Britaniya bosh vaziri Kir Starmer Kiyevga tashrif buyurib, Ukraina bilan 100 yilga mo‘ljallangan sheriklik bitimini imzoladi. U siyosiy hamkorlik, erkin savdo, strategik sheriklik, Ukrainaning NATOga a’zoligi bo‘yicha konsensusga erishish kabi yo‘nalishlarni qamrab oladi.
Rossiya tomonida Ukrainaga qarshi kurashgan O‘zbekiston fuqarosining asl jazosi shartlisiga almashtirildi
Oktabr oyi oxirida sud Rossiya tomonida Ukrainaga qarshi kurashgan o‘zbekistonlikni 6 yilga ozodlikdan mahrum qildi. 19 kundan keyin apellyatsiya sudi sog‘lig‘i va aybiga iqrorligini inobatga olib, uni ozod qildi. Sud qarorida sobiq tashqi ishlar vaziri Abdulaziz Kamilovdan iqtibos keltirilgan.
Ukrainada prezident saylovi harbiy holat bekor qilingach o‘tkaziladi — Zelenskiy
“Ukrainada prezidentlik saylovi harbiy holat tugaganidan so‘ng darhol o‘tkaziladi”, — dedi Vladimir Zelenskiy. “Yoki parlament qonunchilikni o‘zgartirishi kerak”, — degan prezident qonun urush sharoitida saylov o‘tkazishni taqiqlashiga ishora qildi va jamiyat bunga qarshi ekanini bildirdi.
Ukrainaga qarshi Rossiya tomonida jang qilgan 22 yoshli o‘zbekistonlik shartli 5 yil ozodlikdan mahrum qilindi
Sud Rossiya tomonida Ukrainaga qarshi kurashgan 22 yoshli o‘zbekistonlikni shartli jazoga hukm qildi. Ayblanuvchining aytishicha, u deportatsiya o‘rniga, shuningdek, moddiy ahvoli tufayli armiyaga qo‘shilishni tanlagan. Harbiy harakatlardagi ishtiroki uchun u medal va Rossiya fuqaroligini olgan.
Rossiya tomonida Ukrainaga qarshi jang qilgan O‘zbekiston fuqarosi 10 dan ortiq ukrainalik askarni o‘ldirganini tan oldi
O‘zbekiston sudi Rossiya tomonida turib Ukrainadagi urushda qatnashgan 39 yoshli erkakni 4 yil 2 oyga ozodlikdan chekladi. Ayblanuvchining aytishicha, janglarda u 10 dan ortiq ukrainalik askarni o‘ldirgan. Hukm, xususan, aybiga iqror bo‘lgani uchun yumshatildi.
AQSh Ukrainaga 1,2 mlrd dollarlik harbiy yordamning yakuniy paketini e’lon qilmoqchi — Reuters
Bayden ma’muriyati Ukrainaga 1,2 mlrd dollarlik harbiy yordamning yakuniy paketini e’lon qilishga tayyorlanmoqda. Paketga havo hujumidan mudofaa tizimlari va artilleriya snaryadlari kiradi.
“Menda hamma Putin Rossiyasidan qo‘rqadigandek taassurot bor” — Zelenskiy
Ukraina prezidenti Vladimir Zelenskiy mamlakatning kuchi Qrim va Donbassni qaytarib olishga yetmasligi, Putinga bosim o‘tkazish va bu urushni to‘xtatish uchun kuchli Amerika va Yevropa kerakligini aytdi. “Menda shunday taassurot borki, hamma Putin Rossiyasidan qo‘rqadi, u jazosiz qolmoqda”, — dedi Zelenskiy.
AQSh Ukrainaga 20 mlrd dollarlik kredit ajratdi
AQSh Ukrainaga 20 mlrd dollarlik kredit ajratdi, bu Rossiyaning muzlatilgan aktivlari hisobidan qoplanadi. Mablag‘ G7 mamlakatlari tomonidan kelishilgan 50 mlrd dollarlik kreditning bir qismidir. AQSh moliya vazirining aytishicha, Ukrainani qo‘llab-quvvatlash AQSh milliy manfaatlari uchun ham muhim.
Ukraina «tinchlikka tayyorligini ma’lum qilishni rejalashtirmoqda» — WSJ
Ukraina prezidenti ofisi rahbari Andrey Yermak Donald Tramp jamoasi vakillari bilan uchrashdi. «Ukraina tinchlikka tayyorligini ma’lum qilmoqchi, ammo bu uzoq muddatli va barqaror tinchlik bo‘lishi kerak», — deb yozmoqda WSJ.
“Qancha kerak bo‘lsa, shuncha qo‘llab-quvvatlaymiz”. Germaniya kanslerining Ukrainaga tashrifida nimalar muhokama qilindi?
Germaniya kansleri Olaf Shols 2,5 yil ichida Ukrainaga qilgan ilk tashrifi chog‘ida mamlakatga 650 mln yevrolik qo‘shimcha harbiy yordam yetkazib berilishini e’lon qildi. Shuningdek, Kiyevdan Putinga murojaat qilib, Germaniya Ukrainani qo‘llab-quvvatlashi susaymasligini ta’kidladi.
Halok bo‘lgan 502 nafar harbiyning jasadi Ukrainaga qaytarildi
Repatriatsiya tadbirlari natijasida Ukraina Qurolli kuchlarining urushda halok bo‘lgan 502 nafar harbiy xizmatchisining jasadi ortga qaytarildi. Kiyev esa 52 nafar rossiyalik harbiyning jasadini qaytargani xabar qilindi.
AQSh Ukrainaning 4,65 mlrd dollarlik qarzidan kechmoqchi
Bayden ma’muriyati Ukrainaning 4,65 mlrd dollarlik qarzini hisobdan chiqarishni rejalashtirmoqda. Bu Tramp lavozimga kirishgunga qadar “Kiyevni qo‘llab-quvvatlashni kuchaytirishga qaratilgan qadamlarning oxirgisi” bo‘ladi, deb yozdi Bloomberg. Reja respublikachilar e’tiroziga sabab bo‘ldi.
AQSh Ukrainaga piyodalarga qarshi minalar jo‘natishni ma’qulladi
AQShda Donetsk viloyatida rus qo‘shinlarining oldinga siljishini to‘xtatish va Kiyev mudofaasini mustahkamlash uchun Ukrainaga piyodalarga qarshi minalar yetkazib berishga ruxsat berildi.
AQSh, Ispaniya, Italiya va Gretsiyaning Kiyevdagi elchixonalari “ehtimoliy havo hujumi” tufayli yopildi
AQShning Kiyevdagi elchixonasi “ehtimoliy havo hujumi” haqida ma’lumot olgach, ishini vaqtincha to‘xtatdi. Kiyevdagi Ispaniya, Italiya va Gretsiya elchixonalari ham “havo hujumlari xavfi yuqoriligi” sababli yopildi. Aytilishicha, bu Rossiyaning dron va raketa zarbalari tahdidi bilan bog‘liq.
Bayden Ukrainaga Rossiyaga zarba berishda ATACMS qurollaridan foydalanishga ruxsat berdi — NYT
Jo Bayden Ukrainaga Rossiyaga zarba berishda uzoq masofaga uchuvchi ATACMS raketalarini ishlatishga ruxsat berdi. Bu Rossiyaning Shimoliy Koreya qo‘shinlarini jangovar harakatlarga jalb qilganiga javobdir, deb yozmoqda NYT. Reuters Kiyev yaqin kunlarda bu qurollar bilan Rossiyaga zarba bermoqchiligini ta’kidladi.
Rossiya Ukrainaning energetika tizimlarini nishonga oldi
Rossiya Ukrainaning Kiyev, Odessa, Krivoy Rog, Dnepr va Rovno shaharlariga raketa va dronlar bilan hujum qildi. Bir necha kishi halok bo‘ldi, turar joylarga zarar yetdi. Ukraina energetika vaziri raketa hujumlaridan maqsad mamlakat energetika tizimi bo‘lganini bildirdi. Ko‘plab hududlar elektrsiz qoldi.
Ukrainada prezidentlik saylovi 2025-yil may oyida bo‘lib o‘tishi mumkin — Economist
Ukrainada prezident saylovi uchun “ma’lum tayyorgarliklar” boshlandi, muhokama qilinayotgan sana — 2025-yil 25-may, deb yozmoqda Economist nashri. Ukraina prezidenti ofisi buni rad etmoqda.
WSJ: Tramp jamoasi Ukrainaning NATOga kirishini kamida 20 yilga muzlatishni taklif qildi
Donald Tramp jamoasi Ukrainaning NATOga a’zo bo‘lish rejalaridan kamida 20 yilga voz kechmoqchi, deb yozadi WSJ. Bu Rossiya-Ukraina urushini tugatish bo‘yicha takliflarning bir qismidir. AQSh, shuningdek, Rossiyaning kelgusi tajovuzlarini to‘xtatish uchun Ukrainaga qurol berishni davom ettirishi mumkin.
Rossiyaning Ukrainaga qarshi urushida qatnashgan O‘zbekiston fuqarosi 5 yilga qamaldi
Sud 51 yoshli o‘zbekistonlikni Rossiyaning Ukrainaga qarshi urushida ishtirok etgani uchun besh yilga ozodlikdan mahrum qilish haqida hukm chiqardi. U advokat Rossiya Mudofaa vazirligi bilan shartnoma imzolashni taklif qilganini aytdi. Erkak dron tomonidan tashlangan snaryadning portlashi oqibatida yaralangan.
Eng ko‘p o‘qilgan xabarlar | So‘nggi yangiliklar
- O‘zbekistonda metan zapravkalarga gaz yetkazib berish vaqtincha cheklandi
- O‘zbekistonning har bir tuman va shahrida kamida bittadan inklyuziv maktab tashkil etiladi
- Video: Buxorodagi xonadonda gaz portladi
- Samarqandda avtobus Cobalt bilan to‘qnashib ag‘darildi, bir kishi vafot etdi
- Komil Allamjonovga suiqasd bo‘yicha ayblanuvchilar 23 yilgacha qamoq jazosiga hukm qilindi
Qo‘shimcha imkoniyatlardan foydalanish uchun saytda ro‘yxatdan o‘ting