Россиялик космонавт, Халқаро космик станция капитани Сергей Рязанский Тошкентнинг коинотдан олинган янги суратларини эълон қилди.
Шанба, 25 ноябрь куни олинган иккита тасвирда Ўзбекистон пойтахтининг тунги ва кундузги вақтлардаги қиёфаси акс этган. Космонавт фотосуратларга ёзган изоҳида уларни кўп сонли илтимосларга биноан олганини қайд этади.
Сергей Рязанский — дунёнинг 535-, Россиянинг 117-космонавти. Коинотда иккинчи марта бўлиши (аввалгиси июль ойида бошланган). Ижтимоий тармоқларда (Facebook, Instagram) мунтазам равишда коинотдан фотосуратлар ва видеороликларни эълон қилиб боради, тез-тез дунёнинг у ёки шаҳрини суратга олиш бўйича фойдаланувчиларнинг илтимосларини бажаради.
