Ўзбекистонлик боксчилар нефть мамлакатлари XV Жаҳон кубогида битта олтин ва учта кумуш медални қўлга киритди.
22-27 ноябрь кунлари Россиянинг Ханти-Мансийский автоном округида ўтказилган мусобақада Ўзбекистон, Мўғилистон, Польша, Швеция, Озарбайжон, Беларусь, Қирғизистон, Тожикистон, Арманистон, Қозоғистон, Молдова ва Россиядан 100 нафар спортчи иштирок этди.
Чапдан ўнгга: Исроил Мадримов, Иқболжон Холдаров, Ҳасанбой Дўсматов, Зиятдинбек Тойгонбаев, Жасурбек Латипов, Санжар Турсунов.
Жаҳон вице-чемпиони, Осиё ва 2016 йилги Олимпия ўйинлари чемпиони Ҳасанбой Дўсматов 52 кг гача вазн тоифасида рингга чиқиб, финалда россиялик Расул Жааев устидан ғалаба қозонди ва мусобақанинг олтин медалига сазовор бўлди.
Санжар Турсунов.
Иқболжон Холдаров (64 кг гача), Исроил Мадримов (75 кг гача) ва Санжар Турсунов (91 кг гача) эса кумуш медал билан чекланди.
Иқболжон Холдаров (ўнгда).
Умумжамоа ҳисобида Ўзбекистон Россия ва Қозоғистондан кейинги учинчи ўринни қўлга киритди.
Зиятднинбек Тойгонбаев.
Мураббийлик штати таркибидан Равшан Ходжаев ва Зиятднинбек Тойгонбаев ўрин эгаллаган бўлса, ҳакам сифатида Ҳамид Турсунов фаолият олиб борди.
