Ўзбекистоннинг Америка Қўшма Штатларидаги фавқулодда ва мухтор элчиси этиб тайинланган Жавлон Ваҳобов АҚШ Президенти Дональд Трампга ишонч ёрлиқларини топширди. Маросим Америка раҳбарининг расмий қароргоҳи Оқ уйда бўлиб ўтди, дея хабар қилди «Жаҳон» АА.
Бўлиб ўтган суҳбат жараёнида Дональд Трамп сўнгги йилда Ўзбекистонда амалга оширилаётган чоралар республиканинг амалий ислоҳотларни жорий этишни мақсад қилганини тасдиқлайди, дея маълум қилди. Ўзбекистон томонидан ташланаётган қадамлар, жумладан миллий валюта конвертацияси хорижий инвесторлар учун мамлакат жозибадорлигини оширди.
Америка маъмурияти раҳбари болалар меҳнатидан фойдаланишга чек қўйиш ва давлат бошқарувида транспарентликнинг таъминланишидаги ўсишларни ижобий қарши олди.
АҚШ Президенти Ўзбекистон-Америка алоқаларини чуқурлаштириш тарафдори эканини тасдиқлади. Унинг сўзларига кўра, ҳар икки давлат ҳам кўплаб умумий манфаатларга эга.
«Вашингтон минтақавий ҳамкорлик ва Афғонистонни барқарорлаштириш йўлидан бораётган кучли ва мустақил Ўзбекистонни қўллаб-қувватлашини тасдиқлайди», - деди у.
Дональд Трамп АҚШ Ўзбекистоннинг аллақачон минтақа мамлакатларининг ўзаро алоқаларини яхшилашга туртки берган яқин қўшничилик сиёсатини илиқ қарши олишини таъкидлаб ўтди. Расмий Тошкентнинг Қирғизистон билан чегараларнинг катта қисмини делимитация қилиш борасидаги чораларини ўз самарасини бергани алоҳида қайд этилди.
Эслатиб ўтамиз, Жавлон Ваҳобов октябрда АҚШ элчиси этиб тайинланган эди. 2015 йил июлидан буён у Ўзбекистон ташқи ишлар вазирининг биринчи ўринбосари бўлиб ишлаб келаётган эди.
