Афғонистон «Толибон» радикал ҳаракати билан тинч музокараларни ўтказиш ташаббуси билан чиқиб, уни сиёсий гуруҳ сифатида тан олишга тайёр эканини маълум қилди. Афғонистон Президенти Ашраф Ғани чоршанба куни «Кобул жараёни» иккинчи халқаро анжуман очилишидаги нутқида ушбу баёнот билан чиқди, дея хабар қилди ТАСС «Толо ньюс» телеканалига таянган ҳолда.
«Биз тинч жараённи бошлашимиз ва толиблар билан ўт очишни тўхтатишга киришишимиз керак, — деди у. — Биз ҳеч қандай шартларсиз тинч музокаралар ўтказишни таклиф қиламиз». Давлат раҳбари афғон ҳукуматининг ҳаракат Кобулда ўз расмий ваколатхонасини очишига тайёр экани ҳақида ҳам маълум қилди.
Бундан ташқари, Ашраф Ғани Афғонистон ваколатхонаси ҳаракат аъзолари ва уларнинг оилаларига паспортлар ва визалар бериш, шунингдек қамоққа олинган толибларни озодликка чиқариш бўйича иш бошлашини маълум қилди.
