Лола Каримова-Тиллаева Гимнастика федерацияси президенти лавозимини тарк этади. Бу ҳақда мамлакат Биринчи Президентининг кичик қизи ўзининг Facebook саҳифасида эълон қилди.
«13 йиллик фаолиятимдан сўнг Ўзбекистон гимнастика федерацияси президентлиги лавозимини тарк этишга мажбур эканлигимни эълон қилмоқчиман, — деди у. — Мен барча спортчиларимиз, федерациянинг бутун мураббийлар жамоаси ҳамда барча ишчи ходимларига аъло бажарилган фаолиятлари, ушбу спорт турини юқори даражага кўтаришдаги ҳиссалари, унинг ривожланиш йўлида тинимсиз меҳнатлари ҳамда ғайратлари учун чин дилимдан ташаккур билдирмоқчиман».
Лола Каримова-Тиллаева Осиё Гимнастика иттифоқининг фахрий президенти лавозимини сақлаб қолади.
Февралда у Ўзбекистоннинг ЮНЕСКОдаги доимий вакили лавозимини якунлаган эди.
