«Ўзбекистон ҳаво йўллари» Миллий авиакомпанияси Урганч халқаро аэропортининг техник сабаблар ва ҳарорат режими бўйича 16 июлдан вақтинча ёпилишини хабар қилди.
Компания матбуот хизматининг маълум қилишича, Урганч аэропортидан амалга оширилаётган рейслар Нукус ва Бухоро аэропортларига кўчирилган.
Ҳаво бандаргоҳи фаолияти техник ишлар якунига етганидан сўнг қайта йўлга қўйилади.
«Ўзбекистон ҳаво йўллари» йўловчилардан вақтинчалик ноқулайлик учун узр сўради.
