22 октябрь куни тахминан 12:00 да А-380 автомагистралининг Бухоро вилояти Жондор тумани орқали ўтган 333-километрида lacetti автомобили ва Isuzu юк машинаси иштирокида йўл-транспорт ҳодисаси содир бўлди, дея хабар қилди Ўзбекистон ФВВ матбуот хизмати.
Вазирлик маълумотига кўра, Lacetti (давлат рақами 90 L 998 HA) олдиндан келаётган юк машинаси (давлат рақами 90 H 209 LA) билан тўқнашиб кетганидан сўнг ёниб кетган.
Жондор туман ИИБдан «Газета.uz"га маълум қилинишича, ёнғин натижасида тўрт нафар эркак киши вафот этди. Барча вафот этганлар Lacetti автомобилида бўлган.
Аввалроқ, худди шу куни А-380 трассасининг Беруний туманидан ўтган қисмида содир бўлган ЙТҲда беш киши вафот этиб, яна беш кишининг жароҳат олгани хабар қилинган эди.
