Британиялик миллиардер Ричард Брэнсоннинг Virgin Galactic компанияси SpaceShipTwo йўловчи космик шакллини синовдан ўтказди. Синов парвози вақтида ҳаво кемаси 82,7 км баландликка кўтарилди, дея хабар қилди BBC рус хизмати.
Ускуна махсус қурилган самолёт-ташувчи билан 12 минг метр баландликка кўтарилди. Сўнгра космик кема ўз ракета двигателидан парвозни давом эттирди. Ташувчидан ажралганидан кейин шатлл мезосфера — атмосферанинг юқори қатламига чиқди. Ракета двигатели дақиқалар давомида ишлади. Компания кема камераси тасвирга олган видеоёзувдан бир парчани эълон қилди.
Virgin Galactic шатлли бортида икки учувчи, космик турист ролини бажарган манекен ва кема вазнини ошириш учун зарур миқдордаги юк бор эди.
Синов парвози стандарт ишчи юклама бўйича амалга оширилди. Шатлл ерга мустақил равишда қўнди.
Ричард Брэнсон компанияси 2008 йилдан буён космик туризм дастури устида иш олиб бормоқда.
