Профессионал боксда фаолият олиб бораётган ўзбекистонлик Баҳодир Жалолов 15 март куни ўзининг бешинчи жангини колумбиялик Сантандер Сильгадога қарши ўтказиши керак эди. Бироқ баҳсга икки кун қолганида рақиб ўзгарди. Бу ҳақда МОҚ матбуот хизмати хабар берди.
Маълум бўлишича, колумбиялик боксчи ушбу жангдан бош тортган. Унинг ўрнига Баҳодир америкалик Уилли Харвейга қарши баҳс олиб боради. Жанг санаси ўзгармаган. Бўлажак тўқнашувга Калифорния штати мезбонлик қилади.
Маълумот учун, Жалолов шу пайтгача профессионал боксда 4 бор рингга чиқиб, барча рақибларини нокаут эвазига доғда қолдирган. Харвей ҳам 4 бор рингга чиққан, бироқ унинг ҳисобида 1 та мағлубият бор. Ғалабаларининг учаласи ҳам нокаут.
