Ultimate Fighting Championship (UFC) шафелиги остида октагонга чиқувчи ирландиялик жангчи Конор Макгрегор ўзининг аралаш жанглар санъати (ММА)даги фаолиятини якунлашини эълон қилди. Бу ҳақда у ўзининг Twitter саҳифаси орқали эълон қилди.
Шу йилнинг март ойидаги ҳолатга кўра Конор Макгрегор UFC’нинг энг яхши жангчиларининг расмий рўйхатида саккизинчи ўринни эгаллаб турганди.
Конор Макгрегор ўзининг охирги жангини Лас-Вегасда ўтказган бўлиб, россиялик Ҳабиб Нурмагомедовга ютқазиб қўйган эди. У фаолияти давомида 25 та жанг ўтказган бўлиб, уларнинг 21 тасида ғалаба қозонган.
