Москванинг Шереметьево аэропортида «Аэрофлот» авиакомпаниясининг Sukhoi Superjet йўловчи самолёти бортида ёнғин чиққани учун фавқулодда қўндирилди, дея хабар берди РИА Новости.
Москва-Мурманск йўналиши бўйича қатновни амалга ошираётган самолёт мураккаб об-ҳаво шароити туфайли иккинчи мартадан қўна олди. Қўниш вақтида самолёт двигателида ёнғин келиб чиқди.
Олов бортида 78 киши бўлган ҳаво кемасининг ярмини йўқ қилди.
Дастлабки маълумотларга кўра, ҳодиса натижасида тўрт киши жароҳатланди ва бир киши ҳаётдан кўз юмди. ТАСС эса 6 кишининг жароҳатлангани ва 13 киши, жумладан 2 боланинг вафот этганини маълум қилди.
Ҳодиса юзасидан Тергов қўмитаси жиноят иши қўзғатди.
Ўзбекистон президенти Шавкат Мирзиёев Москва шаҳрининг «Шереметьево» аэропортида самолётнинг фавқулодда қўниши оқибатида инсонлар ҳалок бўлгани муносабати билан Россия Федерацияси президенти Владимир Путинга ҳамдардлик мактуби йўллади.
Давлат раҳбари ҳалок бўлганларнинг яқинларига самимий таъзия ва ҳамдардлик билдириб, жароҳат олганларнинг тез фурсатда соғайишларини тилади.
