«Махсустранс» корхонаси Тошкентда 66 мингдан ортиқ чиқинди қутиларини ўрнатишни таклиф қилди. Таклиф кўриб чиқиш учун пойтахт ҳокимлигига киритилди, дея хабар қилди корхона матбуот хизмати «Газета.uz"га.
Бундан ташқари, чиқиндиларни йиғиш учун 10 та ер ости модулини қуриш, 11 тасини реконструкция қилиш ва 220 та чиқинди йиғиш жойини таъмирлаш режалаштирилмоқда.
Матбуот хизмати маълумотига кўра, кунига маҳалла ва корхоналардан 1800 тонна чиқинди йиғилади бу 45 та темир йўл вагонига тенг. Ушбу чиқиндиларни ташиш учун кунига 240 та оғир юк ташувчи техника хизмат кўрсатади.
Ўтган йил давомида 10 мингдан ортиқ 1100 литр ва 750 литр ҳажмдаги чиқинда қутилар ўрнатилган. Жорий йилнинг ўтган даврида эса 2000 дан ортиқ ўрнатилиб, шундан 300 дан ортиғи сурункали чиқинди тўпланадиган жойларга ўрнатилган.
