13 сентябрь куни эрталаб ташқи электр тармоғида юзага келган носозлик туфайли «Тошкент-Андижон» йўналишида ҳаракатланаётган 60-сонли йўловчи поезди Ангрен вокзалида 50 дақиқа тўхтади, дея хабар қилди «Ўзтемирйўлйўловчи» компанияси.
Электр энергияси поезд Ангрен вокзалига кириб келган пайтда, соат 09:25 да ўчирилган.
Кўрилган чора-тадбирлар туфайли, юзага келган носозлик бартараф қилиниб, темир йўлга етказиб берилаётган энергия таъминоти тикланди. Айни дақиқада электропоездларнинг мунтазам ҳаракати йўлга қўйилган.
«Ўзтемирйўлйўловчи» маъмурияти юзага келган ноқулайлик туфайли йўловчилардан узр сўради.
