Олимпиада-2016 бронза медали совриндори Муроджон Аҳмадалиев 13 сентябрь куни Нью-Йоркда ўтказилган бокс шоуси доирасида колумбиялик Уилнер Сотони техник нокаутга учратди.
Ярим енгил вазнда WBA титули учун мажбурий номзод Муроджон Аҳмадалиев (7−0, 6 KO) биринчи ярим енгил вазнда WBA ва IBF чемпиони Дэниэл Романга (27−2−1, 10 КО) қарши рингга кўтарилиши керак эди, бироқ у чемпионлик учун жангга бир неча кун қолганда жароҳат олди.
Муроджон Аҳмадалиев ва Уилнер Сото вазн тортиш маросимида.
Наманган вилоятидан чиққан спортчи тўртинчи раундда Уилнер Сотога (22−7, 12 KO) кетма-кет зарбалар йўллаганидан сўнг ҳакам беллашувни тўхтатишга қарор бериб, ўзбекистонликни техник нокаут орқали ғалабага эришганини эълон қилди.
«Мен жанг қилиш учун туғилганман, — деди Муроджон Аҳмадалиев. — Мен бугун, эртага ва дунёнинг ҳар бир ерида жанг қилишга ҳар доим тайёрман».
