Дзюдо бўйича Ўзбекистон терма жамоаси аъзолари Хитойнинг Ухань шаҳрида ўтказилган Бутунжаҳон армия ўйинлари ҳамда Абу-Дабида ўтган «Катта Дубулға» турнирида муваффақиятли иштирок этган ҳолда, жами 8 та медални қўлга киритди. Кеча ушбу спортчилар Ўзбекистонга қайтиб келди, дейилади Olamsport.com хабарида.
Ислом Каримов номидаги Тошкент халқаро аэропортида терма жамоа делегациясини тантанали кутиб олиш маросими ташкил этилди.
Эслатиб ўтамиз, Абу-Даби турнирида терма жамоамиз аъзоларидан Диёрбек Ўразбоев (-60 кг) ва Ҳикматуллоҳ Тўраев (-73 кг) бронза медали ҳамда Токио олимпиадаси йўлидаги қимматли 500 рейтинг очкосини қўлга киритганди.
Бутунжаҳон армия ўйинларида харбий дзюдочилар 2 та олтин, 2 та кумуш, 2 та бронза медали билан умумжамоа ҳисобида кучли учликдан жой олишган эди.
Армия ўйинларидаги медаллар:
Олтин медаль
-66 кг: Артём Штурбабин
-73 кг: Ҳикматуллоҳ Тўраев
Кумуш медаль
-66 кг: Муҳриддин Тиловов
+100 кг: Бекмурод Олтибоев
Бронза медаль
-52 кг: Диёра Келдиёрова
-70 кг: Гулноза Матниязова
Абу-Дабидаги медаллар:
-60 кг: Диёрбек Ўразбоев
-73 кг: Ҳикматуллоҳ Тўраев.
