SpaceX компаниясининг Crew Dragon космик кемаси Халқаро космик станциясидаги синов парвозини якунлаб, Ерга хавфсиз тарзда қайтиб келди, деб хабар берди NASA.
Якшанба куни космонавтлар — Роберт Бенкен ва Дуглас Херли Crew Dragon кемасида Мексика кўрфазининг Флорида қирғоқларига қўнишди. Бенкен ва Херли космосда тўлиқ 64 кун бўлишди.
Today, history was made.@AstroBehnken & @Astro_Doug returned to Earth aboard @SpaceX's Crew Dragon Endeavour, completing their #LaunchAmerica @Commercial_Crew mission and ushering in a new era of human spaceflight: https://t.co/uPa3srrXp4 pic.twitter.com/sP7sxPQXbf
— NASA (@NASA) August 3, 2020
Crew Dragon парвози АҚШнинг 2011 йилдан бери амалга оширилган биринчи миссияси ва бортида экипаж билан учган хусусий компаниянинг илк космик миссиясига айланди. NASA таъкидлаганидек, миссиянинг муваффақиятли бажарилиши — «инсониятнинг космосни тадқиқот қилиши учун янги даврдир».
