Оксана Чусовитина Киевда (Украина) ўтказилган спорт гимнастикаси бўйича XVIII Халқаро турнирда таяниб сакрашда биринчи ўринни эгаллади, дея хабар берди Миллий олимпия қўмитаси матбуот хизмати.
Турнир 26−28 сентябрь кунлари Спорт саройида бўлиб ўтди. Турнирда Ўзбекистон, Арманистон, Грузия, Исроил, Германия, Латвия, Литва, Словения, Беларусь ва Украинадан 85 спортчи иштирок этди. Мусобақа иштирокчилар учун Европа ва Жаҳон кубокларининг умумий ҳисобига қадар ҳисобланадиган халқаро малакага эга.
«Узоқ танаффусдан кейин дастлабки старт. Жуда ҳам ҳаяжонли. Бундай муҳитга тушишни анчадан бери хоҳлаётган эдим. Барчага омад», — деди Оксана Чусовитина мусобақа олдидан. Гимнастикачи мусобақадан олдин Европада ўқув-машғулот йиғинларини ўтказди.
