Енгил вазнда UFC чемпиони Ҳабиб Нурмагомедов ўз чемпионлигини вақтинча чемпион Жастин Гейжига қарши ҳимоя қилди. 25 октябрга ўтар кечаси Абу-Дабидаги (БАА) «Бойцовский оролида» бўлиб ўтган жанг россиялик спортчининг муддатидан олдинги ғалабаси билан якунланди.
32 ёшли Нурмагомедов (29−0) иккинчи даврада 31 ёшли америкалик Гейжини (22−3) «учбурчак» бўғувчи услубида мағлубиятга учратди.
Ҳабиб Нурмагомедов учинчи марта чемпионлик камарини ҳимоя қилди. Олдинги икки жангда у икки вазн тоифасидаги собиқ лига чемпиони Конор Макгрегор ва собиқ муваққат чемпиони Дастит Порье устидан ғалабага эришган эди.
Россиялик спортчи 2008 йилда аралаш яккакураш бўйича дебют қилган эди. Ҳабиб аралаш жанг санъати бўйича умумий ҳисобда 29 та жангда 29 ғалаба қозонган. Гейжига қарши жанг унинг отаси Абдулманап Нурмагомедовнинг коронавирусдан вафот этганидан кейинги биринчи жанги эди.
Ғалабадан сўнг Ҳабиб рингда ўтириб, йиғлай бошлади. Ўйиндан кейинги интервью пайтида Нурмагомедов бу унинг ММАдаги сўнгги жанги эканлигини бир неча бор таъкидлади. Унга кўра, у онасига Гейжи билан жангдан сўнг фаолиятини якунлашига ваъда берган.
«UFC Жастин билан жанг қилишим тўғрисида ҳабар берганида, мен онам билан уч кун бу тўғрисида гаплашдим…Онам отамсиз жанг қилишимни истамади, мен бу сўнгги жангим бўлишига ваъда бердим», деди у.
Хабиб Нурмагамедов қўлқопларини полга улоқтирди. У шу йўл билан бу унинг сўнгги жанги эканлигига ишора қилди.
Фото: UFC.
Фото: ESPN.
