АҚШнинг Moderna компанияси COVID-19га қарши вакцинасининг дастлабки синовлари муваффақиятли ўтганини эълон қилди. Бу ҳақда CNBC хабар берди.
Мутахассисларнинг таъкидлашича, янги вакцинанинг самарадорлиги 94,5% ни ташкил этмоқда. Вакцина синовларида 30 мингдан ортиқ киши иштирок этди. Улар орасида 65 ёшдан катта ёшдагилар ҳам бўлган.
Вакцинанинг афзаллиги шундаки, у 2,2 дан 7,7 даражагача бўлган ҳароратда, яъни стандарт уй ёки тиббий совутгичнинг ҳароратида 30 кун давомида барқарор бўлиб туради.
Ҳозирда Moderna компаняcи самарадорлик маълумотларига асосланиб, келгуси ҳафталарда АҚШ озиқ-овқат ва фармацевтика идораси (FDA) га фавқулодда вазиятларда вакцинани қўллаш учун мурожаат қилмоқчи.
Бундан аввал, Pfizer ва BioNTech компаниялари вакциналарининг синовлари муваффақиятли амалга ошгани ва вакцина самарадорлиги 90% ни ташкил этганлиги ҳақида маълум қилинган эди.
