Бу ҳақда Санитария-эпидемиологик осойишталик ва жамоат саломатлиги хизмати раҳбарининг ўринбосари Ботиржон Қурбонов «Замон» дастурига интервьюсида маълум қилди.
Бугунги кунда ЖССТ қўллашга рухсат берган АҚШнинг Pfizer ва Германиянинг BioNTech корхоналари томонидан ишлаб чиқилган вакцинани Ўзбекистонда ҳам эмлаш жараёнига жалб қилиш ва фуқароларни эмлаш тўғрисида 100 минг дозага расман бюртма берилган.
Бундан аввал, Соғлиқни сақлаш вазирлиги ва ҳамкор ташкилотлар томонидан «COVID-19»га қарши вакцинани амалиётга киритиш учун Ўзбекистон аҳолисининг 20 фоизи миқдорида буюртма тайёрланиб, COVAX фондига юборилгани ҳақида хабар берган эдик.
«Ҳозирда GAVI («Эмлаш ва иммунизация бўйича глобал алянс») ташкилоти билан ҳамкорликда Американинг Pfizer ва Германиянинг BioNTech компанияси томонидан ишлаб чиқарилган коронавирусга қарши Comirnaty вакцинасини Ўзбекистонга 100 минг доза миқдорида олиб келиниши бўйича ишлар олиб борилмоқда», — деган эди Соғлиқни сақлаш вазирининг ўринбосари — Санитария-эпидемиологик осойишталик ва жамоат саломатлиги хизмати бошлиғи Баҳодир Юсупалиев.
Ушбу вакциналар 1−1,5 ой ичида келтирилиши кўзда тутилган, дейди Санитария-эпидемиология хизмати раҳбарининг ўринбосари.
