Эндиликда мактабгача таълим муассасаларида болаларга мақом ва бошқа миллий куйлар қўйиб берилади, дея хабар берди Маданият вазирлиги матбуот хизмати.
Ушбу таклифни Маданият вазирлиги раҳбари Озобдек Назарбеков берди. Лойиҳа Маданият ва Мактабгача таълим вазирликлари ўртасида имзоланган меморандум асосида амалга оширилиши кутилмоқда.
Таъкидланишича, Маданият вазирлиги мактабгача таълим муассасалари учун мақом куйларидан сараланган махсус мусиқий тўплам яратган.
Эслатиб ўтамиз, аввалроқ мактабларда дарсдан олдин ўқувчилар мадҳия куйлаш, танаффусда ватан мавзусидаги шеър ва қўшиқлар эшиттириш сўралган эди.
