АҚШ давлат котиби лавозимига Сенат 58 ёшли Энтони Блинкен номзодини тасдиқлади. Бу ҳақда Reuters маълумотларига асосланиб РБК хабар берди. 100 кишидан иборат Сенатнинг 78 нафар аъзоси унинг номзодини тасдиқлади, 22 нафар сенатор эса қарши овоз берди.
Блинкен Байден билан анчадан бери ишлаб келади. Барак Обама президентлиги даврида Жо Байден вице-президент эди. Ўшанда Блинкен АҚШ президентининг миллий хавсизлик бўйича маслаҳатчиси биринчи ўринбосари бўлган.
Бундан ташқари, у давлат котибининг биринчи ўринбосари сифатида ҳам фаолият юритган.
Эслатиб ўтамиз, шу пайтгача АҚШ давлат котиби лавозимида Майк Помпео фаолият юритиб келаётган эди.
