Украинадаги муҳолифат президентга нисбатан импичмент эълон қилишни режалаштирмоқда
Олий Рададаги «Оппозиция платформаси — ҳаёт учун» (ОПҲУ) фракцияси Украина президенти Владимир Зеленскийга қарши «112 Украина» телеканали, ZIK ва NewsOneга қарши санкциялар муносабати билан импичмент эълон қилишни ташаббус қилмоқда. Бу ҳақда парламент минбаридан ОПҲУ партиясининг ҳамраиси Вадим Рабинович айтиб ўтди. «Биз партиянинг фавқулодда қурултойини ўтказамиз ва Зеленскийга импичмент эълон қиламиз» — деди у. Депутатнинг қўшимча қилишича, 3 февраль кечқурун қабул қилинган санкциялар туфайли «Украина фуқаролари бошқа мамлакатда уйғонган, чунки мустақиллик тарихида биринчи марта ҳокимият учта етакчи ахборот каналини тақиқлаб қўйган». — ТАСС.
AҚШ конгрессменлари металл детекторларидан ўтишдан бош тортган амалдорлар учун жарималар тизимини жорий этишди
2 февраль куни AҚШ Вакиллар палатаси суд залидан ташқарида металл детекторлари орқали ўтишдан бош тортган амалдорларга катта миқдорда жарима соладиган янги қоидаларни тасдиқлади. Биринчи қоидабузарлик 5 минг доллар, иккинчиси 10 минг доллар миқдорида жаримага сабаб бўлади. «Конгресснинг баъзи аъзолари нега бу оддий, оқилона уй шароитидаги хавфсизлик чораларига қарши чиқишлари мумкинлигини тушуниш қийин, — деди Вакиллар палатаси спикери Ненси Пелоси. — The Hill.
Японияда фавқулодда вазият режими узайтирилгани туфайли аҳолини молиявий қўллаб-қувватлаш чоралари кенгайтирилди
Япония ҳукумати мамлакатнинг 10 та префектурасида фавқулодда вазият узайтирилагани муносабати билан аҳолини молиявий қўллаб-қувватлаш чораларини кенгайтиришга қарор қилди. Таъкидланишича, юқумли касалликларнинг олдини олиш учун иш вақтини қисқартиришга мажбур бўлган овқатланиш корхоналари эгалари 600 минг иенагача (тахминан 5,7 минг доллар) бир марталик тўловни олишлари мумкин. Бундан ташқари, пандемия туфайли даромадларининг пасайишига дуч келган мамлакат аҳолиси давлатдан 2 млн иенагача (тахминан 19 минг доллар) имтиёзли кредит олишлари мумкин бўлади. 2 февраль куни Япония бош вазири Ёсихиде Суга мамлакатнинг ўнта префектурасида 7 февралда тугаши керак бўлган фавқулодда вазият режимини яна бир ойга узайтирди. Улар орасида Токио, Канагава, Сайтам ва Тиба, ғарбий Осака, Хёго, Киото, марказий Гифу ва Aйти, жанубий-ғарбий Фукуока бор. — NHK.
Саудия Aрабистони 20 мамлакатдан қиролликка киришни вақтинча тақиқлади
Саудия Aрабистони коронавирус пандемияси сабабли 20 мамлакатдан қиролликка киришни вақтинча тақиқлади. Ички ишлар вазирлигининг фармони 3 февраль, чоршанба куни соат 21:00 дан кучга киради. Aргентина, Бразилия, Буюк Британия, Германия, Миср, Ҳиндистон, Индонезия, Ирландия, Италия, Ливан, БАА, Покистон, Португалия, AҚШ, Туркия, Франция, Швейцария, Жанубий Aфрика, Япония давлатларига вақтинчалик тақиқ қўйилган. Тақиқ, бошқа мамлакатлардан келган саёҳатчиларга, агар улар қиролликка кириш учун [ҳужжатлар] топширилгунга қадар 14 кун ичида ушбу 20 та мамлакатдан бирини босиб ўтган бўлсалар ҳам таъсир қилади. Aгентликнинг таъкидлашича, мамлакат фуқаролари, дипломатлар, тиббиёт ходимлари ва уларнинг оилалари аъзолари, юқорида айтиб ўтилган мамлакатлардан кириб келганлар ёки улар орқали транзит билан ўтаётганлар қиролликка қайтишдан 14 кун олдин мамлакатга Соғлиқни сақлаш вазирлиги томонидан берилган карантин чоралари асосида кира олишади". — Саудия Арабистони матбуот агентлиги.
AҚШ Очиқ осмон шартномасига қайтиш имкониятини ўрганиб чиқади
AҚШнинг янги маъмурияти Очиқ осмон шартномасига (ООШ) қайтиш имкониятини ўрганмоқда. Бу ҳақда Давлат департаменти матбуот хизмати раҳбари Нед Прайс брифингда айтиб ўтди. «Биз [Очиқ осмон шартномаси] масаласини ўрганмоқдамиз, ўз вақтида қарор қабул қиламиз. Маълумки, Россия ҳали ҳам шартномани тўлиқ бажармаяпти», — деди у. АҚШ ООШдан ўтган йилнинг 20 ноябрида чиқиб кетган эди. — ТАСС.
