АҚШ Сенати сешанба куни мамлакатнинг 45 президенти Доналд Трампга нисбатан импичмент бўйича иккинчи суд жараёнини ўтказишга овоз берди, дебёзмоқда The New York Times.
Ушбу процедура конституциявий бўлиши учун 100 сенатордан 56 таси тарафдор бўлиб, 44 нафари қарши овоз беришди. Республикачи сенаторларнинг аксарияти Доналд Трампни қўллаб-қувватладилар, фақат олтитаси демократларга қўшилди. Нашрнинг таъкидлашича, ушбу овоз бериш натижалари, эҳтимол Оқ уйнинг собиқ раҳбари оқланишини кўрсатмоқда. Импичмент эълон қилиш учун Сенатнинг 67 аъзосининг овози талаб қилинади.
«Ушбу суд натижалари олдиндан белгилаб қўйилган. Трамп оқланади», — деди Республикачилар партияси вакили сенатор Тед Круз.
Январь ойида АҚШ Вакиллар Палатаси Доналд Трампга импичмент эълон қилиш учун овоз берди. Собиқ президент Конгресс биносига бостириб кирган кўплаб тарафдорларини қўзғатганлигиучун АҚШ ҳукуматига қарши исён қўзғаганликда айбланмоқда.
«Бу Американинг келажаги бўлиши мумкин эмас. Ҳукумат ва институтларимизга қарши оммавий зўравонликни қўзғатадиган ва сафарбар этадиган президентларга эга бўлишимиз мумкин эмас, чунки улар халқнинг иродасига бўйсунишдан бош тортишади», — деди импичментнинг етакчи менежери, демократ Жейми Рускин.
Импичмент бўйича овоз бериш 10 февралда давом этади. Доналд Трамп икки марта импичментэълон қилинганАҚШнинг биринчи президенти бўлди.
