Лос-Анжелес шаҳрида АҚШ Миллий санъат ва овоз ёзиш академияси томонидан 63-марта «Грэмми» мукофотини топшириш маросими бўлиб ўтди. Тадбир онлайн тарзда ўтказилди.

Йилнинг энг яхши аудиоёзуви (record — запись) деб Билли Айлишнинг «Everything I Wanted» қўшиғи топилди. Билли Айлиш, шунингдек, Жеймс Бонд ҳақидаги «Ўлиш вақти эмас» номли фильм учун куйлаган «No Time To Die» қўшиғи учун энг яхши саундтрек совринини қўлга киритди.

Энг яхши альбом эса Тейлор Свифтнинг «Folklore» пластинкаси бўлди. Йилнинг энг яхши қўшиғи совринини вафот этган афроамерикалик фуқаро Флойд Жорж хотирасига бағишланган «I Canʼt Breathe» қўшиғи учун H.E.R. қўлга киритди.

"Газета.uz"да реклама

20 ёшли қозоғистонлик диджей Иманбек Зейкенов (Imanbek) SAINt JHN’нинг «Roses» қўшиғи учун яратган ремикси учун йилнинг энг яхши ремикси совринини қўлга киритди. У ушбу совринни қўлга киритган илк қозоғистонлик бўлди. Унинг ремикси Billboard Hot 100 чартининг топ-10 лигида кетма-кет 20 ҳафта турди. Imanbek — хаваскор бастакор. У мусиқа билан шуғулланишни бошлашдан олдин, Павлодар вилоятида (Аксу) темирйўлчи бўлиб ишлаган, маълум қилди Tengri News.

«Грэмми-2021» совриндорлари:

  • Йилнинг энг яхши аудиоёзуви — «Everything I Wanted» (Billie Eilish);
  • Йил қўшиғи — «I Can’t Breathe» (H.E.R);
  • Йил альбоми — «Folklore» (Taylor Swift);
  • Энг яхши янги қўшиқчи — Megan Thee Stallion;
  • Энг яхши якка поп-ижро — «Watermelon Sugar» (Harry Styles);
  • Энг яхши поп-дуэт ёки гуруҳ ижроси — «Rain On Me» (Lady Gaga with Ariana Grande);
  • Энг яхши анъанавий вокалли поп-альбом — «American Standard» (James Taylor);
  • Энг яхши вокалли поп-альбом — «Future Nostalgia» (Dua Lipa);
  • Энг яхши рақс мусиқаси (қўшиғи) — «10%» (Kaytranada feat. Kali Uchis);
  • Энг яхши рақс/электрон альбом — «Bubba» (Kaytranada);
  • Энг яхши замонавий инструментал альбом — Live At The Royal Albert Hall (Snarky Puppy);
  • Энг яхши рок-ижро — «Shameika» (Fiona Apple);
  • Энг яхши метал-ижро — «Bum-Rush» (Body Count);
  • Энг яхши рок-қўшиқ — «Stay High» (Brittany Howard);
  • Энг яхши рок-альбом — «The New Abnormal» (The Strokes);
  • Энг яхши альтернатив рок альбом — «Fetch The Bolt Cutters» (Fiona Apple);
  • Энг яхши R&B-ижро — «Black Parade» (Beyoncé);
  • Энг яхши анъанавий R&B-ижро — «Anything For You» (Ledisi);
  • Энг яхши R&B-қўшиқ — «Better Than I Imagined» (Robert Glasper feat. H.E.R. & Meshell Ndegeocello);
  • Замонавий шаҳар мусиқаси жанридаги яхши альбом — «YHLQMDLG» (Bad Bunny);
  • Энг яхши R&B-альбом — «Bigger Love» (John Legend);
  • Энг яхши рэп-ижро — «Lockdown» (Anderson .Paak);
  • Энг яхши рэп-/қўшиқ шаклидаги дуэт ижро — «Savage» (Megan Thee Stallion feat. Beyoncé);
  • Энг яхши рэп-қўшиқ — «Savage» (Megan Thee Stallion feat. Beyoncé);
  • Энг яхши рэп-альбом — «King's Disease» (Nas);
  • Энг яхши кантри-қўшиқ — «Crowded Table» (The Highwomen);
  • Энг яхши кантри-альбом — «Wildcard» (Miranda Lambert).

Илк бор «Грэмми» билан мукофотлаш маросими 1959 йил 4 майда бўлиб ўтган. Мукофот 30 йўналишда, 84 тоифага бўлинган ҳолда тақдим этилади.