Давлат активларини бошқариш агентлиги 2020 йилда энг кўп зарар кўрган давлат иштирокидаги корхоналар ўнталигини эълон қилди. Мазкур рўйхатнинг 8-поғонасида Тошкентнинг «Пахтакор» футбол клуби ўрин олди. Маълумотларга кўра, жамоа 2020 йилда 82,7 млрд сўм зарар кўрган.
Мазкур статистика ҳақида ижтимоий тармоқларда, жумладан Twitter тармоғида турли фикр-мулоҳазалар билдирилди. Ушбу фикрлардан энг кўпи «Пахтакор» жамоаси ҳақида бўлди.
Ҳуқуқшунос Хушнуд Худойбердиев Халқ таълим вазири 3007 та мактабда шароит йўқлиги учун бюджетдан таълим учун кўпроқ пул беришни илтимос қилганини эслади:
«Пахтакор» 2020 йили 82 млрд зарар кўрибди ва энг кўп зарар кўрган давлат корхоналарининг ТОП-10 талигига кирди.
— Xushnud Xudoyberdiyev (@xushnudbeck) May 6, 2021
Давлатимиз шунчалик бой ва халқимиз ўзига тўқми???
Халқ таълими вазири 3007 та мактабда шароит йўқлиги сабабли бюджетдан таълим учун кўпроқ пул беришни илтимос қилди
«Пахтакор»нинг «халқ жамоаси» дейилиши мазкур ҳолатда ҳам талқин қилинмоқда:
«Пахтакор» халқ жамоаси деса ишонмайсизлар яна. Ҳар йили 100 млрд сўмга яқин пулни халқнинг солиқларидан тортиб олиб ўзлаштирадиган клуб халқ жамоаси бўлмай, нима бўлсин?
— Xushnud Xudoyberdiyev (@xushnudbeck) May 6, 2021
Юқоридаги твит остида эса эътирозлар ҳам мавжуд. Бошқа бир ҳуқуқшунос Фурқат Тожиевнинг фикри:
Буни давлат улуши бўлган МЧЖ 82 млрд сўм зарар кўрган деб талқин қилиш тўғрироқ бўлади. 82 млрд сўмни ҳаммаси давлатни пули эканлиги фактмас. Қўшилган улуш доирасида зарар кўрганмиз))
— Furqat Tojiev (@FurqatTojiev) May 6, 2021
Футбол мутахассиси Aлишер Никимбаев бирор фикр билдиришдан аввал клубнинг ўзидан сўраш кераклигига иддао қилмоқда:
Пахтакор ФК 2020 йилда давлат бюджетидан пул олганми? Бир нарсани ёзишдан олдин, клуб узидан сураса булмидими? https://t.co/fN5Slre5A9
— Alisher Nikimbaev (@nikimbaev) May 6, 2021
Иқтисодчи Отабек Бакиров эса Ўзбекистонда бирорта ҳам хусусий футбол клуби йўқлигини айтди:
Ўзбекистонда биронта хусусий футбол клуби йўқ. Паразитлашган бирон бир корчалонга топпширилган клублар бор. Корчалон эвазига йирик ва қиммат давлат буюртмаларини эмиши кафолатланган.
— bakiroo (@the_bakiroo) May 6, 2021
Андижоннинг ҳақини перчатка ва шприц орқали касаллар тўлаяпти.
Изоҳсиз:
Пахтакор хусусий клуб, бюджетдан пул олмайди деганларни башарасига ташатиб-ташатворсангда!!! https://t.co/oNb8M8IRtG
— Навқирон (@Navqiron) May 6, 2021
Мазкур твит остида эса «Пахтакор»нинг бюджетдан пул олмаслиги ҳақида тушунтириш беришган:
Бюджетдан омайди, 20 фоиз улуши хокимиятга тегишли бўлгани учун шу рўйхатда. Ишончли бошқарувга берилган и СФИ тарафдан молиялаштирилган. Вот шу масалани таҳлил қилишсин, қанақа шартда берилган ва нима бўлган, чунки уларга 2−3 катта комбинат берилган
— Bemalolxo'ja (@xotirijam) May 6, 2021
Пахтакор бюджетдан 2017 йилдан буён (ундан олдин билмайман) 1 тийинам олмаган. Ҳаммаси ҳомийлик. Бу рўйҳатга тушиш сабаби 20% улуши давлатники. Шуничун гапизни «охиригача тушунмай бир-балола диганлани»га алмаштирсак нима дис?
— Мото-мото (@name__me) May 6, 2021
Aйтишларича, «Пахтакор»ни мазкур рўйхатга Twitter’да муҳокама бўлиши учун «қўшишган экан»:
Пахтакорни твиттерда тортишишсин деб нишон учун қўшишган, Ҳаво йўлларини айтинглар
— Herolion (@Aslanov_K) May 6, 2021
Фойдаланувчилардан бири Давлат активларини бошқариш агентлигининг маълумотлари нотўғри бўлса «Пахтакор» футбол клуби уларни судга бериши мумкинлигини таъкидлади:
Агентлик Пахтакор борасида берган маьлумоти нотугри булса, клуб рахбарияти судга берсин. Духи етармикан?
— Azamat (@Karshiev_A) May 6, 2021
Маълумот учун, «Пахтакор» футбол клуби мазкур ҳолат бўйича расмий изоҳ берди.
«Пахтакор футбол клуби» МЧЖ Ўзбекистон Республикаси Президентининг 2017 йил 21 августдаги 3227-сонли «Пахтакор» футбол клубининг моддий-техника базасини янада такомиллаштириш чора-тадбирлари тўғрисида"ги қарорига кўра, инвестиция шартларини бажарган ҳолатда 80 фоиз улуши «SFI Management Group» МЧЖга ўтиши ва клубнинг устав фондидаги 20 фоиз улушини Тошкент шаҳар ҳокимлигида сақлаб қолиш тўғрисидаги таклиф маъқулланган.
Шу вақтдан буён «Пахтакор» футбол клуби бюджети тўлиғича «SFI Management Group» МЧЖ томонидан шакллантириб келинган.
«Пахтакор» футбол клуби ўтган йиллар мобайнида давлат бюджетидан умуман маблағ олмаганлигини маълум қиламиз", — дейилади хабарда.
Шунингдек, футбол клуби Давлат активларини бошқариш агентлиги тарқатиш учун тайёрлаган маълумотларининг тўғри ва холис экани бўйича мажбуриятга эгалигини унутмаслиги лозимлигини эслатиб ўтди.
