26 июль куни соат 14:58 да Самарқанд шаҳар Шоҳизинда кўчасидаги 242-уйда ёнғин содир бўлаётганлиги тўғрисида ФВБга хабар берилган, дея хабар бермоқда вилоят ФВБ ахборот хизмати.
Қайд этилишича, олинган хабарга асосан ёнғин жойига 5 та ЁҚЭлари жалб этилган.
Ёнғин жойига биринчи ЁҚЭ соат 15:04 етиб борганда, 5 та хонадоннинг тахминан 200 м/кв майдонда шифт ва том қисми хамда уй жихозлари ёнаётган бўлган. Ёнғин кучли шамол натижасида тезда катта майдонга тарқалган. Ҳаракатлар натижасида ёнғин соат 15:39 да ўраб олиниб, соат 17:00 да ўчирилган.
Ёнғин натижасида жароҳат олганлар йўқ.
