2022 йил дунё вакцина бозорида BioNTech/Pfizer ва Moderna компаниялари нингетакчи бўлиши прогноз қилинди
АҚШнинг Moderna ва Pfizer ҳамда унинг Германиядаги ҳамкори BioNTech компанияларининг 2022 йилда вакциналар бозорида устунлик қилиши кутилмоқда. Financial Times нашри маълумотларига кўра, ривожланаётган мамлакатларга вакцина етказиб бериш ҳажмининг ўсиши туфайли савдо миқдорининг 90 млрд доллардан ошиши прогноз қилинмоқда. Келгуси йилда вакцина ишлаб чиқарувчи BioNTech/Pfizer ва Moderna компаниялари Хитой бозорларидан ташқари COVID-19 га қарши вакциналар бозорининг тўртдан уч қисмини назорат қилади.
Уларнинг рақобатчилари сифатида швед-британия комранияси AstraZeneca, америкалик Johnson & Johnson, Россиянинг Спутник V ишлаб чиқарувчилари айтилмоқда. Шунингдек, АҚШнинг Novavax компанияси каби янги бозор иштирокчилари ҳам рақобатбардош бўлиши кутилмоқда. Вакцина бозорининг умумий савдо ҳажми эса 124 млрд долларга баҳоланмоқда — TACC.
Эрон ядровий битимга қайтиши учун АҚШга ҳеч қандай шарт қўймаганини маълум қилди
Эрон томони АҚШга ядровий битимга қайтиши учун ҳеч қандай шарт қўймаган. Бу ҳақда душанба куни Эрон ташқи ишлар вазирлигининг расмий вакили Саид Хатибзода матбуот анжуманида айтиб ўтди.
«Биз ҳеч қачон АҚШ учун олдиндан шартлар қўймаганмиз, чунки улар JCPOAтаркибига кирмайди», — деди у.
Вакилнинг сўзларига кўра, музокаралар (Вена ядровий битими бўйича) давом этади ва бу масала бўйича қарор қабул қилиш жараёни якунланган. «Айни пайтда биз Вена музокараларининг олдинги олти раундида юзага келган тушунмовчиликларни ўрганмоқдамиз», — дея қўшимча қилди у. Бундан ташқари, Хатибзода Эрон ва Европа Иттифоқи ўртасидаги музокаралар Брюсселда бир неча кун давом этишини тасдиқлади.
Пайшанба куни Эрон Ташқи ишлар вазири ўринбосари Али Багерий Теҳронда Европа Иттифоқи ташқи ишлар бўйича бош котиби ўринбосари Энрике Мора билан музокара ўтказди. Улар JCPOA`га қайтиш бўйича келишувни имозолади. Томонлар яқин кунларда Брюсселда музокараларни давом эттиришга келишиб олганди — TACC.
НАТО`нинг Россиядаги ахборот бюроси фаолияти тўхтатилади — Россия ТИВ
«НАТО ҳаракатларига жавобан биз НАТО`даги бош ҳарбий ваколатхонамиз ишини тўхтатамиз. Балки 1 ноябрдан, ёки яна бир неча кундан кейин. Иккинчидан, биз НАТО`нинг Москвадаги ҳарбий алоқа миссияси фаолиятини тўхтатамиз, унинг ходимларини аккредитацияси жорий йилнинг 1 ноябридан бошлаб бекор қилинади. Учинчидан, НАТО`нинг Москвадаги Бельгия Қироллиги элчихонасида ташкил этилган ахборот бюроси фаолияти тугатилмоқда», — деди Сергей Лавров душанба куни Москвада бўлиб ўтган матбуот анжуманида.
Лавровнинг таъкидлашича, агар НАТО`нинг шошилинч масалалари бўлса, улар бу масалада Россиянинг Бельгиядаги элчисига мурожаат қилишлари мумкин. Шунингдек, Россиянинг жавоб чоралари тўғрисида НАТО`нинг халқаро котибияти аллақачон хабардор қилинган.
Вазирнинг сўзларига кўра, 6 октябрь куни НАТО 1 ноябрдан бошлаб Россиянинг НАТО`даги доимий ваколатхонасининг саккиз нафар ходимининг аккредитациясини бекор қилганини расман эълон қилди. НАТО ушбу миссиядаги Россия аккредатцияси умумий сонини ўн кишигача қисқартирган эди — Интерфакс.
АҚШ ва Грузия мудофаа бўйича ҳамкорлик тўғрисида битим имзолади
АҚШ мудофаа вазири Ллойд Остин ва унинг грузиялик ҳамкасби Жуаншер Бурчуладзе душанба куни Грузия учун мудофаа чораларини кучайтириш бўйича битим имзолади.
«Мен бугун Грузия мудофаа вазири билан биргаликда Грузия учун мудофаа чораларини кучайтириш ташаббусини эълон қилиш шарафига эга бўлдим. Бу ташаббус АҚШ ва Грузия мудофаа вазирликлари ўртасидаги хавфсизлик соҳасидаги ҳамкорликнинг юқори босқичи бўлади», — деди Остин ҳужжат имзолангандан сўнг ўтказилган матбуот анжуманида.
Қайд этилишича, ташаббус икки компонентдан: мудофаа бўлими ва унинг тузилмаларини институционал мустаҳкамлашда грузин томонини қўллаб-қувватлаш ҳамда бригада даражасидаги қўшма машқлар орқали армия имкониятларини ривожлантиришдан иборат бўлади.
Грузия ва АҚШ 1992 йилдан буён сиёсат, иқтисод, савдо ва 1990-йилларнинг охиридан мудофаа ва хавфсизлик соҳасида ҳамкорлик қилиб келмоқда.
Шунингдек:
- АҚШнинг собиқ давлат котиби Колин Пауэлл 85 ёшида янги коронавирус келтириб чиқарган касаллик таъсиридан вафот этди. Пауэлл 2001−2005 йилларда АҚШнинг 43-президенти кичик Жорж Бушнинг маъмуриятида давлат бош котиби бўлиб ишлаган. У Америка ташқи сиёсат бўлимини бошқарган биринчи афроамерикалик ҳисобланади — TACC.
Байден ва унинг рафиқаси Вашингтонда ниқоб режими қоидаларини бузди
АҚШ президенти Жо Байден ва унинг рафиқаси Жилл Вашингтон мэри талабини бузишди. Унга кўра, одамлар коронавирусга қарши эмланганми ёки йўқлигидан қатъи назар, ёпиқ жойларда тиббий ниқоб тақишлари керак.
Ижтимоий тармоқларда тарқалган видеода қандай қилиб Байден Вашингтондаги ресторан коридорида ниқобсиз юргани, бироқ президент қўриқчилари ва муассаса ходимлари юзларида ниқоб тақиб юргани тасвирланган. Шу билан бирга, Байден қўлида тиббий ниқобни ушлаб турган.
Маълум бўлишича, талабларни бузганлик учун жаримадан тортиб лицензияни бекор қилишга қадар ҳар қандай санкциялар қўлланилиши мумкин. Бироқ, шаҳар мэрининг ижро этувчи буйруғига кўра, бу қоида федерал ҳукумат вакиллари навбатчилик пайтида бўлган ҳолатларда қўлланилмайди — Риа Новости.
