Социал-демократик партия (СДП) номзоди Олаф Шольц 8 декабрь куни Германиянинг янги федерал канцлери лавозимига сайланди. Бундестагнинг 395 депутати уни ёқлаб овоз берди, деб хабар берди Deutsche Welle.
Олаф Шольц 1958 йилда Оснабрюкда туғилган. Мутахасислиги бўйича ҳуқуқшунос ҳисобланади. У икки марта — 1998−2001 ва 2002−2011 йилларда Бундестаг депутати бўлган. 2007−2009 йилларда меҳнат вазири, 2011−2018 йилларда Гамбургнинг биринчи бургомистри бўлган, 2018 йил мартидан Молия вазирлигини бошқарган ва бир вақтнинг ўзида вице-канцлер лавозимида фаолият олиб борган. Шольц Германиянинг тўққизинчи канцлери бўлди.
Мамлакат Конституциясининг 63-моддасига кўра, канцлер парламент (Бундестаг) томонидан сайланади ва уни президентга тасдиқлаш учун таклиф қилади. Ғалаба қозониш учун камида 369 депутатнинг овози зарур. Шольц номзодини нафақат СДП депутатлари, балки Яшиллар ва Эркин Демократик партиялари ҳам қўллаб-қувватлади. Германияда учта сиёсий куч янги ҳукмрон коалиция тузиши керак, дейилади ҳисоботда.
Эслатиб ўтамиз, бундан олдин Ангела Меркелнинг Германия федерал канцлери лавозимидаги ваколати расман якунлангани ҳақида хабар берилганди.
