Ўзбекистонлик профессионал боксчи Элнур Абдураимов (9−0, 8 KO) Лас-Вегасда Дмитрий Бивол ва Саул Канело Алварес ўртасидаги бокс шоусида иштирок этди.
Элнур Абдураимов ва Мануэль Корреа. Фото: boxingscene.com.
Осиё чемпионининг рақиби, жаҳон чемпионати бронза медали совриндори 31 ёшли кубалик Мануэль Корреа (11−1, 7 КО) мазкур жанггача бирор марта ҳам мағлуб бўлмаганди.
Жанг иккинчи ярим енгил вазнда бўлиб ўтди ва саккиз раундга мўлжалланган эди, бироқ бутун белгиланган муддатгача чўзилмади: Абдураимов иккинчи раундда техник нокаут билан ғалаба қозонди. Бунгача у кубаликни икки марта нокдаунга туширган эди.
«Биринчи марта шундай катта аренада, шундай катта шоуда чиқаётгандим. Албатта, ҳаяжон ҳам бор эди. Лекин мураббийлар нима қилишимни айтишди. Охир-оқибат, ҳаммаси яхши бўлди…», — деди у жангдан кейин.
Элнур Абдураимов 2018 йил сентябрь ойидан профессионал боксда иштирок эта бошлаган. Бунгача у промоутер Лоу ДиБелла (DiBella Entertainment) билан шартнома имзолади.
Абдураимовнинг ҳаваскор рингдаги рекорди — 195:20. Элнур Тошкентда бўлиб ўтган Осиё чемпионатида ҳам (2017) ғолиб чиқди ва икки марта — Доҳадаги жаҳон чемпионати (2015) ва Бангкокдаги Осиё чемпионатида (2015) бронза медалини қўлга киритди.
Видео
