Алишер Навоий номидаги Ўзбекистон Миллий кутубхонаси яқин вақт ичида ҳафтасига етти кун, суткасига 24 соат ишлаш режимига ўтади. Бу ҳақда Ёшлар ишлари агентлиги директори, сенатор Алишер Саъдуллаев маълум қилди.
«Сўровингизга кўра, АОКА ва Алишер Навоий номидаги Ўзбекистон Миллий кутубхонаси раҳбарияти билан боғландим. Кутубхона тез орада 24/7 ишлаш режимига ўтишини маълум қилишди. Ҳозир вазирлик ва идоралар билан жараённи расмий йўлга қўйиш ишлари давом этмоқда», — деб ёзди Саъдуллаев Twitter’даги саҳифасида.
Сенаторнинг қўшимча қилишича, «жараён бошланган, АОКА ва Миллий кутубхона ҳамма ишларни амалга оширмоқда». «Ходимларнинг тунги иш вақти, меҳнат тартиби ва маош тўлаш масаласида экан жараён. Умид қиламизки, тез орада жараённи йўлга қўйиб юборишади», — дея қўшимча қилган у.
Ҳозирда Миллий кутубхона иш кунлари 8:00 дан 21:00 га қадар, дам олиш (шанба ва якшанба) кунлари эса 9:00 дан 17:00 га қадар китобхонларни қабул қилади. Айни вақтда, «Нодир» ноёб манбалар зали иш кунлари 9:00 дан 18:00 гача фаолият кўрсатади, дам олиш кунлари эса ишламайди.
Миллий кутубхонанинг иш вақтига доир мунозаралар Twitter микроблоглар хизматининг ўзбек сегментида 22 октябрь куни бошланган эди. Фойдаланувчи Miss Gatsby Twitter’да Алишер Саъдуллаевга мурожаат қилиб, «квартирада ва ётоқхонада турадиганлар учун ягона ўқиш жойи» бўлган Миллий кутубхонадан китобхонлар дам олиш кунлари соат 16:30 дан чиқариб юборилишини, шу боис кутубхонани 24/7 режимида ишлайдиган қилиб беришни сўраган эди.
Алишер Саъдуллаев бу мурожаатни ўз саҳифасида қайта улашиб, бошқа фойдаланувчиларнинг бу борадаги фикрини сўраган. Унинг сўровига 150 га яқин жавоб қайтарилган. Жавобларнинг аксариятида фойдаланувчилар кутубхонанинг 24/7 режимида ишлашини олқишлаган, иш вақтини ҳеч бўлмаса 23:00 га узайтириш ҳам самарали бўлиши айтиб ўтилган. Шунингдек, бир гуруҳ фойдаланувчилар Миллий кутубхонага кириб-чиқишни осонлаштириш зарурлигини таъкидлаган эди.
Yaxshi bo‘lardi talabalar uchun.
— Jasurbek Sulaymonov (@JasurbekSulaym2) October 22, 2022
Misol uchun biz 1 xonali kvartirada 7 kishi turamiz. Umuman dars qilishga sharoit yo‘q va stol stul ham yo‘q. Shuning uchun kutubxona kechasi ham dars qilish uchun yaxshi joy.
100%. Biz studentlar uchun asosan dars qiladigan joy Milliy kutubxonamiz! Afsuski, hisobga olinishi kerak boʻlgan kamchiliklari talaygina! Ishlash soatlari kamligi birinchi masala menimcha. Kutubxonaga badiiy va diniy kitoblar olib kirishga ruxsat berilsa ham yaxshi boʻlardi.
— Iroda Kabulova (@IKabulova) October 22, 2022
Курсдошимиз бўларди, қариндошиникида турарди.Эркак қариндоши ишдан келгунча янгаси бор домга киролмасди, истиҳола қиларди.Шунинг ун эски Навоий кутубхонасига бориб 10−11гача дарс қилиб, китоб ўқирди. Кириш-чиқиш қамоққа ўхшайдиган Миллий кутубхонани Агентлик балансига ўтказиш кк
— AZiza (@AQurbonova) October 22, 2022
Har kuni , shanba yakshanba ham, 23:00 ga ishlasin aka iltimos faqat tezroq shu muamoni Hal qilishga yordam bering. Mayli 18:00 dan keyin kitob berish to'xtatilsaham lekin chiqarvormasin ko'pchilik aslida o'zini boshqa darslarini qilish uchun boradi .
— orientialist (@orientalist1011) October 22, 2022
O'quv zallari 24 soat ishlashi kerak. Kitob topib berish xizmati faqat kunduz kunlari ishlasa ham yetadi. Koreya tajribasida shunaqa. Midtermlardan oldin ertalab 5 gacha kutubxonada o'tirgan va o'sha kuni soat 9 da imtixongga kirgan paytlarim bo'lgan. Juda ham foydasi tekkan.
— Khojiakbar Khamidov (@Khojibro9) October 22, 2022
O'quv zallari 24 soat ishlashi kerak. Kitob topib berish xizmati faqat kunduz kunlari ishlasa ham yetadi. Koreya tajribasida shunaqa. Midtermlardan oldin ertalab 5 gacha kutubxonada o'tirgan va o'sha kuni soat 9 da imtixongga kirgan paytlarim bo'lgan. Juda ham foydasi tekkan.
— Khojiakbar Khamidov (@Khojibro9) October 22, 2022
O'quv zallari 24 soat ishlashi kerak. Kitob topib berish xizmati faqat kunduz kunlari ishlasa ham yetadi. Koreya tajribasida shunaqa. Midtermlardan oldin ertalab 5 gacha kutubxonada o'tirgan va o'sha kuni soat 9 da imtixongga kirgan paytlarim bo'lgan. Juda ham foydasi tekkan.
— Khojiakbar Khamidov (@Khojibro9) October 22, 2022
шунчаки китоблар сонини кўпайтириб, аъзолик ва кириб-чиқиш енгиллаштирилсин аввал. 24/7 бўлмасаям, 21:00 гача ишласин
— Shoakmal Plaza (@Shoakmal) October 22, 2022
Айни вақтда, бир қатор Twitter фойдаланувчилари бу каби гап-сўзлар биринчи марта айтилмаётганини эслатиб ўтган.
Bu masalani 4yil avval ko'targanimzda ham kutubxona direktori tez orada 24/7 rejimida ishlab boshlaymiz degandi… https://t.co/2Riwl1yKDm
— Inobat_Ahatova (@AhatovaInobat) October 25, 2022
Bu masalani 4yil avval ko'targanimzda ham kutubxona direktori tez orada 24/7 rejimida ishlab boshlaymiz degandi… https://t.co/2Riwl1yKDm
— Inobat_Ahatova (@AhatovaInobat) October 25, 2022
Маълумот учун, Ўзбекистон Миллий кутубхонасининг иш вақтини 23:00 га қадар узайтириш масаласи кўриб чиқилаётгани ҳақида муассаса раҳбари Умида Тешабоева 2019 йил апрелида маълум қилган эди. «Кечки вақт ишлайдиган ходимларга амалдаги қонунчилик бўйича иш ҳақи тўлаш масаласи ўрганилмоқда. Миллий кутубхона 23:00 га қадар ишлаши учун фондни сақлаш, хизмат кўрсатиш каби бўлимларда 36 та қўшимча иш ўрни яратилиши талаб этилар экан. Бу масалалар устида ҳозир иш олиб борилмоқда», — деганди у.
