«️Катта эҳтимол билан халқнинг ғазнасидаги бу пуллар монополист компаниянинг ҳисобига ўтказилади». Депутат утилизация йиғими ҳақида
2022 йилги давлат бюджетига боғчалар учун субсидиялар, иссиқлик таъминоти тарифлари учун компенсациялар ва бошқа мақсадлар учун қўшимча маблағлар ажратиш ҳисобига харажатларни оширишга қаратилган ўзгартиришлар киритилиши кўзда тутилган.
173 нафар қатағон қурбонлари номлари оқланди (рўйхат)
Олий суд 4 та жиноят иши бўйича сургун қилинган, отилган ва мол-мулки мусодара қилинган 173 нафар қатағон қурбонлари номини оқлади. Уларнинг аксарияти Қорақалпоғистон Республикаси, Сурхондарё ва Самарқанд вилоятларида яшаган. Бир нафари эса Эрон фуқароси бўлиб, у ССРИ ҳудудидан депортация қилинган.
Тошкент ҳокимлиги давлат экспертизасидан ўтмаган янги уйлардан квартира сотиб олишдан огоҳлантирди
Тошкент ҳокимлиги аҳолини давлат экспертизасидан ўтмаган янги уйлардан квартира сотиб олишдан огоҳлантирди. Пойтахт маъмурияти шаҳар марказида қурилиши режалаштирилган DahO мажмуасидаги квартиралар давлат экспертизасидан ўтказмасдан сотувга қўйилганини маълум қилди.
2023 йилда солиқ сиёсатида қандай ўзгаришлар бўлиши кутилмоқда?
2023 йилдан бошлаб тадбиркорлар учун ҚҚС ставкаси 15 фоиздан 12 фоизга туширилиши натижасида улар ихтиёрида қўшимча 13 трлн сўм айланма маблағ қолиши режалаштирилмоқда. Шунингдек, 1 апрелдан бошлаб бюджет маблағлари ҳисобидан кўрсатиладиган хизматлар бўйича ҚҚС имтиёзлари бекор қилинади.
2023 йилда давлат ташқи қарзи $32,6 млрд бўлиши прогноз қилинмоқда — Тимур Ишметов
Молия вазири Тимур Ишметов қуйи палатанинг навбатдаги йиғилишида келгуси йилда бюджет даромадлари 311 трлн сўм миқдорида, харажатлар эса 344 трлн сўм миқдорида режалаштирилганини маълум қилди. Консолидациялашган бюджет миқдори 32,5 трлн сўм ёки ЯИМга нисбатан 3% тақчиллик билан шакллантирилди.
Қасим-Жомарт Тоқаев давлат ташрифи билан Ўзбекистонга келади
Қозоғистон президенти Қасим-Жомарт Тоқаев 21−22 декабрь кунлари давлат ташрифи билан Ўзбекистонда бўлади. Ташриф дастурига мувофиқ, олий даражадаги музокараларда икки томонлама ва минтақавий аҳамиятга молик долзарб масалалар муҳокама қилинади.
Европа Иттифоқи Марказий Осиёнинг Россияга бўлган қарамлигини юмшатишга ёрдам бериш ниятида — элчи
Европа Иттифоқининг Марказий Осиё билан ҳамкорлигида барча йўналишлар — сув ресурсларидан унумли фойдаланиш, энергия самарадорлиги, рақамлаштириш бўйича минтақанинг Россияга билвосита қарамлигини юмшатишга қаратилган бўлади, дея таъкидлади Евроиттифоқнинг Ўзбекистондаги элчиси Шарлотта Адриан.
Можаролар ва қарама-қаршиликлар фақат ҳалокатли оқибатларга олиб келади — Ўзбекистон ТИВ раҳбари
«Можаролар ва қарама-қаршиликлар фақат ҳалокатли оқибатларга ва ғолиблар бўлмайдиган вазиятларга олиб келади». Бу ҳақда Ўзбекистон ташқи ишлар вазири Владимир Норов элчилар ва халқаро ташкилотлар вакиллари билан учрашувда айтиб ўтди.
Абдушукур Хамзаев Экопартия раҳбари бўлди
Абдушукур Хамзаев Экологик партиянинг Марказий Кенгаши Ижроия қўмитаси раиси бўлди. Бунга қадар у партия раиси ўринбосари лавозимида ишлаган.
Икки вилоятда қиймати 900 млн сўмдан зиёд бўлган газ ҳисоблаш ускуналари талон-торож қилинди
«Ҳудудгаз Андижон» газ таъминоти филиали Андижон шаҳар бўлими мансабдорлари 839 млн сўмлик, «Шароф Рашидов тумангаз» корхонаси мансабдолари эса 93 млн сўмлик газ ҳисоблаш ускуналарини ўзлаштиргани маълум бўлди. Ҳолатлар юзасидан жиноят ишлари қўзғатилиб, тергов ҳаракатлари ўтказилмоқда.
50 га яқин ширкат раҳбарига жиноий иш қўзғатилган — Уй-жой фонди инспекцияси
Уй-жой фонди инспекцияси томонидан кўп квартирали уйларга хизмат кўрсатувчи жами 1000 га яқин бошқарув органлари фаолияти ўрганилган. Унда 250 та уй-жой мулкдорлар ширкатлари томонидан 20 млрд сўм маблағларни талон-торож қилингани аниқланган.
Хорижда ишлаб чиқарилган товарлар учун истеъмол кредити ажратиш таклиф қилинмоқда
Ўзбекистонда хорижда ишлаб чиқарилган товарлар учун истеъмол кредити ажратиш режалаштирилмоқда. Депутат Дониёр Ғаниевнинг қайд этишида, одамлар чел эл электромобиллари ёки маиший техникаларини сотиб олиш учун истеъмол кредити олишолмагани сабаб, уларни фақатгина муддатли тўловга олишмоқда.
Ўзбекистонда 2 йилда лифтлардаги бахтсиз ҳодиса сабаб 5 киши вафот этган
2021−2022 йиллар давомида лифтларда 4 та бахтсиз ҳодиса содир бўлган ва натижада 5 нафар фуқаро ҳаётдан бевақт кўз юмган. Ҳозирда мавжуд лифтларнинг 290 дан ортиғи ўз хизмат муддатини ўтаб бўлган, капитал таъмирталаб.
Ўзбекистонда ҳафта ўртасида қор ёғади
Чоршанба куни Кавказ ҳудудларидан кириб келадиган совуқ антициклон ўзи билан Ўзбекистонга ёмғир ва қорни олиб келади. Ҳаво ҳарорати кечалари −3…−5 даражага, кундузи +5 даражагача тушиб кетади. Кечаси ва эрталаблари туман тушиши, йўлларда яхмалаклар ҳосил бўлиши кутилмоқда.
Сергели ва Янгиҳаёт туманининг айрим ҳудудларида ичимлик суви таъминоти вақтинча тўхтатилади
«Ўзсувтаъминот» компанияси Сергели тумани Қипчоқ кўчасидан ўтувчи ер усти метро йўли қурилиш ишлари олиб борилаётгани сабаб, 20 декабрь соат 9:00 дан 21 декабрь соат 9:00 гача Сергели ва Янгиҳаёт туманларининг айрим ҳудудларида ичимлик суви таъминоти вақтинча тўхтатилишини маълум қилди.
Эндиликда муайян яшаш жойи йўқ шахслар реабилитация марказига жойлаштирилади
«Маъмурий жавобгарлик тўғрисида»ги кодексга киритилган ўзгартиришларга кўра, муайян яшаш жойига эга бўлмаган шахсларни реабилитация марказига жойлаштириш тартиби белгиланди. Бунинг учун асослар етарли деб топилса, ИИО ходимлари жиноят ишлари бўйича туман, шаҳар судларига илтимоснома юборади.
Сурхондарё ва Тошкент вилоятидаги ЙТҲларда икки киши ҳалок бўлди
Сурхондарё ва Тошкент вилоятида одамлар ўлими билан боғлиқ йўл-транспорт ҳодисалари юз берди. Уларда ҳайдовчи ва пиёда вафот этди.
Банкларда долларнинг сотиш курси 11 320 сўмгача кўтарилди
Тижорат банклари 19 декабрь куни аҳолидан 1 АҚШ долларини 11 210 — 11 280 сўмдан сотиб олмоқда, сотиш курси эса 11 320 сўм.
Ўзбекистон кикбоксинг бўйича Осиё чемпионатида 24 та медални қўлга киритди
Бангкокда (Таиланд) ўтказилган кикбоксинг бўйича Осиё чемпионатида Ўзбекистон терма жамоаси 24 та — 10 олтин, 9 кумуш ва 5 бронза медалини қўлга киритди.
Ўзбекистон Каспий денгизи орқали биринчи контейнер поездини жўнатди
Тошкентнинг Сергели вокзалидан Каспий денгизи орқали Ўрта коридор бўйлаб биринчи контейнер блок поезди жўнатилди. У Болгариянинг Бургас портига мис концентратларини олиб кетди.
«Газета.uz»да эълон қилинган мақолалар:
Тошкент автобусларидаги шилқимликка қарши кампания ярим йил ҳам давом этмади. Нега?
Бир йил аввал пойтахт aвтобусларида тегажоқликка қарши кампания бошланганди, бугун эса ундан фақат чипталардаги тарғибот қолган, холос. Ташкилотчилар лойиҳа давом этиши лозимлигини, «Тошшаҳартрансхизмат» эса таклифларга очиқлигини айтмоқда. Фақат «бунинг молиявий тарафи ҳам инобатга олиниши керак».
Нима ўқиймиз? Таржимон ва блогер Сардор Салим тавсия қилади
«Газета.uz» китобхонликни тарғиб этишга қаратилган «Нима ўқиймиз?» лойиҳасини давом эттиради. Сара асарлар, ўқилиши мақсадга мувофиқ ҳисобланган китоблар рўйхати ҳақида олим, тадқиқотчи, ёзувчи-шоир, таржимон, журналист ва жамоат фаолларининг тавсияларини ҳар шанба сизга етказамиз.
Қандай қилиб тирбандликни камайтириш ва жамоат транспортини бепул қилиш мумкин?
«Газета.uz» Тошкентнинг транспорт бош режасини ишлаб чиқиш учун хорижлик мутахассислар жалб этилгани ҳақда ёзганди. Суҳбатнинг иккинчи қисмида жамоат транспорти бўйича эксперт Владимир Валдин пойтахтда тирбандликларни камайтириш ва жамоат транспортини бепул қилиш мумкинлигига тўхталди.
