Ўзбекистонлик боксчилар Болгариянинг София шаҳрида бокс бўйича «Кичик жаҳон чемпионати» номини олган «Странжа» турнирида 18 та медаль олди. Бу ҳақда Миллий олимпия қўмитаси матбуот хизмати хабар берди.

74-бор ташкил этилган ушбу мусобақада 38 мамлакатдан 398 нафар спортчи қатнашди. Мусобақани Ўзбекистон терма жамоаси 7 та олтин, 5 та кумуш ва 6 та бронза, жами 18 та медаль билан турнирни биринчи ўринда якунлади. Иккинчи ўринни Болгария, учинчи ўринни эса АҚШ банд этди.

2022 йилда ҳам мазкур турнир ўзбекистонликлар учун омадли келганди. Ўшанда ҳам улар 6 та олтин ва 1 та бронза олиб, умумжамоа ҳисобида 1-ўринни эгаллаганди.

2023 йилги натижалар бўйича олтин медаль:

  • -48 кг: Шодиёржон Мелиқўзиев;
  • -51 кг: Ҳасанбой Дўсматов;
  • -63.5 кг: Мужбилло Турсунов;
  • -67 кг: Асадхўжа Мўйдинхўжаев;
  • -71 кг: Саиджамшид Жаъфаров;
  • -86 кг: Шоҳжаҳон Абдуллаев;
  • +92 кг: Баҳодир Жалолов.

Кумуш медаль:

  • -54 кг: Миразизбек Мирзаҳалилов;
  • -60 кг: Адҳамжон Муҳиддинов;
  • -63.5 кг: Руслан Абдуллаев;
  • -67 кг: Бегзод Ҳамидов;
  • -48 кг: Саидахон Раҳмонова.

Бронза медаль:

  • -60 кг: Шунқор Абдурасулов;
  • -60 кг: Дилшод Абдумуродов;
  • -63 кг: Хадичабону Абдуллаева;
  • -71 кг: Нурислом Исмоилов;
  • -75 кг: Ҳавасбек Асадуллаев;
  • -80 кг: Жасурбек Йўлдошев.