Тошкент шаҳри Юнусобод туманида 29 май куни 6 та автомобиль иштирокида йўл-транспорт ҳодисаси рўй берди, дея маълум қилди Йўл ҳаракати хавфсизлиги бошқармаси ахборот хизмати.

Соат 12:30 да туманнинг Мойқўрғон кўчасида

  1. 2001 йилда туғилган С.Н. бошқарувидаги Malibu-2;
  2. 1974 йилда туғилган М.А. бошқарувидаги BYD Song;
  3. 1986 йилда туғилган М.Х. бошқарувидаги «ВАЗ 2105»;
  4. 1988 йилда туғилган Б.З. бошқарувидаги Lacetti;
  5. 1996 йилда туғилган М.А. бошқарувидаги Nexia-3;
  6. 1995 йилда туғилган Р.С. бошқарувидаги «ЗиЛ» русумли юк автомашиналари иштирокида йўл-транспорт ҳодисаси содир бўлган.

ЙТҲ оқибатида тан жароҳат олганлар йўқ.️ Ҳолат юзасидан шаҳар ИИББ ЙҲХБ ходимлари томонидан суриштирув ҳаракатлари олиб борилмоқда.

Маълумот учун, 2023 йилнинг январь-апрель ойларида республикада 2144 та йўл-транспорт ҳодисаси оқибатида 499 киши вафот этган.