Париж марказида юз берган кучли портлаш оқибатида камида 37 киши жабрланди, улардан 4 нафарининг аҳволи оғир, деб хабар бермоқда BBC.
Ҳодиса Франция пойтахтининг бешинчи округидаги Америка академияси биносида юз берди. Портлашдан сўнг зарар кўрган бинонинг фасади қулаб тушган, ёнғин яқин атрофдаги уйларга ҳам ўтган.
https://twitter.com/CitizenFreePres/status/1671549359580909568?ref_src=twsrc%5Etfw%7Ctwcamp%5Etweetembed%7Ctwterm%5E1671549359580909568%7Ctwgr%5Ef352018fdb1f95fa5b6751a5296273593182671d%7Ctwcon%5Es1_c10&ref_url=https%3A%2F%2Fwww.gazeta.uz%2Fru%2F2023%2F06%2F22%2Fparis-blast%2F
Шаҳар мэри ўринбосари Эдуард Сивелнинг айтишича, ёнғинга газ портлаши сабаб бўлган. Гувоҳларнинг сўзларига кўра, портлашдан олдин газ ҳиди сезилган. Шаҳар расмийлари портлаш сабабларини ҳали тасдиқлаганича йўқ.
Ёнғинни ўчиришда 70 га яқин ўт ўчириш машинаси ва 250 дан ортиқ қутқарувчи иштирок этди. Ички ишлар вазири Жеральд Дарманен вайроналар остидан вафот этганларнинг жасади топилиши мумкинлигини истисно қилмаслигини билдирди.
