28 июнь куни Қурбон ҳайити нишонланиши муносабати билан Тошкентдан Наманганга қўшимча поездлар қатнови йўлга қўйилади. Бу ҳақда «Ўзтемирйўлйўловчи» маълум қилди.
Қуйидаги йўналишларда қўшимча йўловчи поезди ҳаракати йўлга қўйилди:
26 июнь кунидан 3 июль кунигача 66/65-сонли Тошкент−Наманган−Тошкент йўналиши:
- 66-сонли Тошкент−Наманган йўналиши Тошкент 9:13 — Наманган 14:18
- 65-сонли Наманган−Тошкент йўналиши Наманган 15:38 — Тошкент 20:27
Қўшимча маълумотни Тошкент шаҳридаги 1005 қисқа телефон рақами, жойлардаги темир йўл чиптахоналари ҳамда маълумотлар бюросидан билиб олиш мумкин.
