21 июль куни Ўзбекистонда чет тилидан ижодий имтиҳоннинг ёзма қисми бошланади. Билимларни баҳолаш агентлиги хабарига кўра, унда имтиҳоннинг тинглаб тушуниш, ўқиш, ёзма иш бўлимлари бўлиб ўтади.
Жараён 21−22−23 июль кунлари 2 сменада ўтказилади. Бунда:
- 1-смена — 08:00 (имтиҳонга етиб келиш вақти — 07:00)да;
- 2-смена — 15:00 (имтиҳонга етиб келиш вақти — 14:00)да бошланади.
Абитуриентлар қачон қаерда имтиҳонда иштирок этишини my.uzbmb.uz сайти орқали шахсий кабинетидан билишлари ва рухсатномани юклаб олишлари мумкин. Иштирокчилар имтиҳон биносига жараён бошланишидан 1 соат олдин келишлари лозим. Улар ўзлари билан шахсини тасдиқловчи ҳужжат ва рухсатнома олиши керак. Имтиҳонга кечиккан ёки келмаган абитуриентлар учун қўшимча имтиҳон ўтказилмайди.
