Тошкент марказида йўл ўтказгич қуришмоқчи. Бу баҳсли қарор
Ўзбекистон президенти «Ботир Зокиров ва Навоий кўчалари кесишмасида йўл ўтказгич қуриш зарурлигини» қайд этди (унинг матбуот хизмати келтирган иқтибос). Бу шаҳарда пиёдалар устуворлигини таъминлаш ҳақидаги тамойилга зид бўлган баҳсли қарордир. «Газета.uz» лойиҳани очиқ муҳокама қилишга чақиради.
Президент матбуот хизмати — Навоий кўчасидаги йўл ўтказгич ҳақида: «Хулоса чиқаришга ҳали эрта»
Президент матбуот хизмати «Газета.uz»нинг шаҳар марказида йўл ўтказгичлар қуриб бўлмаслиги ҳақидаги мақоласига муносабат билдирди. «Агарда шундай лойиҳа бўлса, уни ишлаб чиқишга энг яхши мутахассислар жалб қилинади ва жамоатчилик фикри инобатга олинади», — деди президент матбуот котиби.
«Агар у қуриладиган бўлса, Тошкентни тугатаверса ҳам бўлади». Жамоат фаоллари — Навоий кўчасидаги кўприк лойиҳаси ҳақида
Тошкентнинг Ботир Зокиров ва Навоий кўчалари кесишмасида йўл ўтказгич қурилиши мумкин. Фаоллар бу жойга кўприк эмас, «одамлар дам оладиган жамоат макони, шаҳар муҳити керак»лигини таъкидлаяпти. Муштарийлар 2022 йилги реконструкциядан сўнг Навоий кўчасида тирбандлик муаммоси камайганини ҳам эслатди.
Президент «Тошкент-Шарқий» аэропорти лойиҳасини «жуда жиддий ва танқидий» қайта кўриб чиқишни буюрди
Шавкат Мирзиёев қарийб 6 йилдан бери қурилиши кетаётган «Тошкент-Шарқий» бизнес авиацияси аэропортига ташриф буюрди. Ҳозир унинг учиш-қўниш йўлаги ва VIP-терминал биноси қуриб бўлинган. Президент ҳудудда яна бир терминал қуришни ва аэровокзал лойиҳасини қайта кўриб чиқишни буюрди.
1 млн 18 минг: 2023 йилда шунча абитуриент ўқишга ҳужжат топширди
2023−2024 ўқув йили учун давлат ОТМларига ўқишга ҳужжат топширган абитуриентлар сони 1 млн 18 минг нафарни ташкил этди. Бу ўтган йилги кўрсаткичдан қарийб 200 мингтага кам. Талабгорларнинг энг кўпи Миллий университетни танлаган — 36 782 нафар.
Нью-Йоркда отиб ўлдирилган 15 ёшли ўзбекистонлик йигит жанозасида шаҳар мэри қатнашиб, нутқ сўзлади
Нью-Йорк шаҳрида содир бўлган отишмада оғир яраланиб, шифохонада вафот этган 15 ёшли ўзбекистонлик йигит жанозаси бўлиб ўтди. Унда шаҳар мэри Эрик Адамс ҳам қатнашди ва нутқ сўзлади.
Тошкент вилоятида 3 киши канализацияда заҳарланиб вафот этди
Нурафшон шаҳрида 57 ёшли ишчи канализация қудуғига тушиб, тозалаш ишларини олиб бораётганда газдан заҳарланди. Уни қутқариш учун тушган яна 3 киши ҳам ҳушидан кетган. Оқибатда 3 киши воқеа жойида вафот этди. 1 киши жонлантириш бўлимида қолмоқда.
Ўзбекистонлик ёш курашчилар Осиё чемпионатини 20 та медаль билан якунлади
Иорданияда ўтган спорт курашлари бўйича U-20 ёш тоифасидаги Осиё чемпионатида Ўзбекистон терма жамоаси жами 20 та — 4 та олтин, 6 та кумуш ва 10 та бронза медалини қўлга киритди.
Хитой компанияси Қашқадарёда осма дор йўли қуришни режалаштирмоқда
Хитойнинг CAMC Engineering компанияси Қашқадарё вилоятидаги лойиҳаларга сармоя киритишни режалаштирмоқда. Улар орасида Китобда сайёҳлик зонаси ташкил этиш, осма дор йўли қуриш ва бошқалар бор.
Статистика агентлиги камбағаллик чегарасини белгилаш борасидаги танқидларга жавоб берди
Статистика агентлиги Ўзбекистонда камбағаллик чегарасини аниқлаш учун фойдаланиладиган минимал истеъмол харажатларининг кеч эълон қилинишини изоҳлади ва бу кўрсаткични ҳисоблаш усули борасидаги танқидларга жавоб қайтарди.
Олий суд кўчма радардан келган жаримани ҳайдовчи фойдасига ҳал қилди
Самарқанд вилоятида кўчма радар орқали аниқланган тезликни ошириш бўйича белгиланган жарима Олий суд томонидан бекор қилинди. Чунки ЙПХ ходими радардаги тезлик кўрсаткичи билан ҳайдовчини таништирмаган ва унинг талаби билан мосламанинг сертификати кўрсатмаган.
Дам олиш кунлари ҳарорат бироз кўтарилади
Ўзбекистонда дам олиш кунлари ҳаво кам булутли бўлади, ёғингарчилик кутилмайди. Ҳарорат бироз кўтарилиб, жанубда ва чўл ҳудудларда +41…+43 даражагача етади. Кейинги ҳафта эса иссиқ ҳаво кириб келиши кучайиб, ҳарорат яна 1−2 даражага кўтарилади.
Янги Тошкент шаҳридаги ер участкалари «E-auksion» орқали сотилади
Президент қарори билан Янги Тошкент шаҳридаги ер участкалари «E-auksion» электрон савдо платформаси орқали сотилади ёки ижарага берилади.
QazaqGaz октябрдан Ўзбекистонга Россия газини етказиб беришни бошламоқчи
Қозоғистоннинг QazaqGaz компанияси октябрь ойидан Ўзбекистонга Россия гази транзитини бошлашни режалаштирмоқда. Компания барча техник тадбирлар тасдиқланган жадвалга мувофиқ тўлиқ ҳажмда амалга оширилаётганини маълум қилди.
Ўзбекистонда «яшил водород» лойиҳаси август ойида бошланиши режалаштирилмоқда — энергетика вазири
Президент август ойида Ўзбекистонда «яшил водород» ишлаб чиқариш мажмуасини қуришни бошлаш бўйича топшириқ берди, дея маълум қилди энергетика вазири Жўрабек Мирзамаҳмудов. Иншоот Саудиянинг ACWA Power компанияси томонидан Чирчиқ шаҳридаги аммиак заводи негизида қурилади.
Экстремистик материалларни тарқатишда гумонланган эркак Кореядан Ўзбекистонга депортация қилинди
Интерпол қидирувига берилган, тақиқланган экстремистик материалларни тарқатишда айбланган эркак Кореядан Ўзбекистонга депортация қилинди.
