18 август куни Tashkent City`да Хитойнинг Оmoda C5 автомобилининг онлайн тақдимоти бўлиб ўтди. Компания вакиллари футуристик фастбэк кроссоверининг ёрқин афзалликлари билан ўртоқлашдилар. У авангард санъатига асосланган Art in Motion концепцияси доирасида ишлаб чиқилган бўлиб, бир вақтнинг ўзида бир нечта муҳим таркибий қисмларни бирлаштиради: инновациявийлик, функционаллик ҳамда замонавий ва эстетик дизайн.
Янги Оmoda C5 замонавий кўриниш ва инновацион технологияларнинг ноёб қоришмасидир, бу эса ҳатто жуда талабчан автомобиль ихлосмандларини ҳайратда қолдириши мумкин. Футуристик кроссовер ҳар жиҳатдан ўз номига мос, зеро Оmoda аслида янги трендни англатади.
Ташқи кўриниши
Замонавий авто бўлган Оmoda C5 ўзининг ёрқин ва технологик дизайни билан ажралиб туради. Унинг асосий хусусиятлари радиаторнинг асл панжараси, кроссовернинг спорт машинаси эканлигига урғу берадиган 18 дюймли икки рангли қуйилган дисклар мавжудлигида намоён бўлади. Динамик кузов автомобилнинг тезкорлигини акс эттирибгина қолмай, аэродинамик қаршиликни камайтиришга ва бензин сарфини қисқартиришга имкон беради.
Кроссовернинг оптикасини алоҳида қайд этиш керак: хавфсиз ҳайдаш учун oптимал ёруғликни таъминлайдиган LED-фаралар, йўл оқимида кескин ажралиб турадиган Т-шаклидаги кундузги чироқлар ва моделни янада жозибадор қиладиган матрицали орқа чироқлар.
Оmoda C5`нинг яна бир хусусияти — «парвоз қилаётган том». Кузовнинг ўрта ва орқа таянчларининг ўзига хос тарзда ишлангани ва ойналар тонировкаси ҳавода учиш иллюзиясини пайдо қилади.
Автомобилнинг ичидаги хусусиятлари
C5 ихчам кроссоверининг ички қисми юқори даражадаги қулайликнинг барча қонунларига мувофиқ ишланган. Қулай спорт ўриндиқлари, салондаги экологик тоза чарм ва бўрттирма мульти-рул ҳашамат, шоҳоналик муҳитини ҳис қилишга имкон беради.
Салонда битта шиша остида бирлаштирилган иккита 10,25 дюймли экран мавжудлиги эътиборни ўзига тортмай қолмайди. Чап экран асбоблар панели маълумотларини кўрсатса, ўнг экран ахборот бериш ва ҳордиқ чиқариш имкониятларини ўзида мужассам этган.
Ақлли икки зонали иқлим назорати, «иситиш опциялари», шу жумладан олд ойна ва орқа ойналарни, ташқи орқа кўзгуларни артадиган пуркаш ускунасини, рул ва ўриндиқларнинг иккала қаторини электр иситиш автомобиль ичида қўшимча қулайлик яратади.
Овозни бошқариш тизими алоҳида эътиборга лойиқдир, бу эса деразаларни ёки люкни очиш, кондиционерни ёқиш ва аудио тизим овозини кўтариш учун буйруқлар беришга имкон беради. Айни пайтда тизим хитой, инглиз ва рус тилларини тушунади. Яқин келажакда ўзбек тилини қўшиш режалаштирилган.
Мотор — бу машинанинг юрагидир. Бу борада ишлаб чиқарувчилар кроссоверни муносиб агрегат — 147 от кучига эга двигател билан жиҳозладилар.
Omoda бренди ҳақида
Omoda бренди фойдаланиш экотизимини биргаликда яратиш ва автомобилларни кўп сонли фойдаланиш ҳолатлари ва амалий аҳамиятга эга бўлган яхшироқ ҳаётнинг бир қисмига бирлаштириш концепциясига амал қилади. Бренднинг географик тармоғи Мексика, Туркия, Австралия, Исроил ва яқин Шарқни қамраб олади. Компания уни кенгайтиришни ва янги бозорларга чиқишни режалаштирмоқда. Улардан бири — Ўзбекистон автомобиль бозоридир.
Бу ерда Omoda C5 иккита модификацияда тақдим этилади:
- 1,5 Turbo CVT модели олд ғилдираклар орқали ҳайдаш конфигурациясини таклиф қилади ва 9,9 сонияда 0 дан 100 км/соатгача тезлашади, бунда максимал тезлик 195 км/соатга етади. Аралаш режимда ёқилғи сарфи тахминан 100 км учун 7 литрни ташкил қилади.
- 1,6 Turbo 7DCТ АWD модели барча ғилдираклар орқали ҳайдашга мўлжалланган ва 8,6 сонияда 100 км/соатгача тезлашади, бунда максимал тезлик 195 км/соатни ташкил этади.
Telegram: t.me/uzomoda
Instagram: @omoda_uz
Facebook: fb.com/Omodauzb
Реклама ҳуқуқлари асосида.
