Сўнгги 25 йил ичида Антарктидаги шельфШельф музликларининг ҳажми 40 фоиздан зиёдроққа қисқарган. Уларнинг қарийб ярмида «тикланиш аломатлари йўқ», деб ёзмоқда The Guardian. Ўз тадқиқотлари натижаларини Scientific Advances журналида эълон қилган Лидс университети (Буюк Британия) олимлари шундай хулосага келишди.
Тадқиқотчиларнинг ҳисоб-китобларига кўра, 1997 йилдан 2021 йилгача Антарктида ғарбида 67 трлн тонна, шарқда эса 59 трлн тонна муз эриган. Бу 7,5 трлн тонна музнинг аниқ йўқолишига олиб келган.
Шельф музликларининг эриши натижасида денгизга кўпроқ тоза сув тушади, бу эса Жанубий океан оқимларини бузиши мумкин, дейди олимлар. Коинотдан олинган 100 мингдан ортиқ тасвирлар таҳлил учун ўрганилди.
«Шельф музликларининг емирилиши бўйича ноаниқ манзараси мавжуд бўлиб, бу Антарктида атрофидаги океан ҳарорати ва океан оқимлари билан боғлиқ. Қитъанинг ғарбий ярмига илиқ сув кўпроқ таъсир қилмоқда ва натижада шельф музлиги пастдан тезроқ эримоқда, айни пайтда шарқий Антрактиданинг катта қисми бугунги кунда яқин илиқ сувдан соҳилдаги совуқ сув бўлаги орқали ҳимояланган», — дейди тадқиқотчилар раҳбари Бенжамин Дэвидсон.
Олимларнинг фикрича, музнинг йўқолиши табиий ўзгаришлар эмас, балки иқлим инқирози натижасидир.
