2023 йилнинг январь-сентябрь ойларида Ўзбекистонга мобил телефонларнинг расмий импорти ўтган йилнинг шу даврига нисбатан 18,1 фоизга ошди. Бу ҳақда президент ҳузуридаги Статистика агентлиги хабар бермоқда.
Йил бошидан буён 2,58 млн дона қурилма етказиб берилди, бу 2022 йилнинг мос даври (2,18 млн дона) билан солиштирилганда 398 361 тага кўп (2021 йилнинг шу даврида эса 133,2 млн долларлик 1,9 млн дона телефон импорт қилинган). Етказиб бериш ҳажми 23,3 фоизга ўсди — 144,5 млндан 178,2 млнгача.
Агар ўтган йили битта телефон нархи ўртача 66,3 долларни ташкил этган бўлса, бу йил 69,2 долларни ташкил этади.
Қурилмаларнинг асосий қисми (89,2 фоиз) ҳали ҳам Хитойдан импорт қилинади — 2,3 млн. Хитойдан етказиб бериш ҳажми 600 мингтага (+43,7 фоиз) ошган.
Агар ўтган йили БАА етказиб бериш бўйича иккинчи ўринни эгаллаган бўлса (247,4 минг), энди улар тўртинчи ўринга тушиб кетди — бу мамлакатдан импорт 7,7 мингта қурилмага камайди. Ҳиндистондан эса 153,8 мингдан 32,5 мингга, Қозоғистондан 25,4 мингдан 2,5 мингга тушган.
Вьетнам етказиб беришни 156,5 мингдан 223,1 мингтага оширган.
Таққослаш учун: 2019 йилнинг январь-октябрь ойларида Ўзбекистонга расман бор-йўғи 79,9 мингта телефон импорт қилинган.
2020 йилнинг сентябрь ойида Ахборот технологиялари ва коммуникацияларини ривожлантириш вазирлиги мобиль қурилмаларнинг IMEI-кодларини пулли рўйхатга олишни жорий қилиш сабабли маҳсулотларнинг расмий импорти ҳажми бир неча баробарга ўсганини маълум қилган.
Эслатиб ўтамиз, аввалроқ ҳукумат Ўзбекистонга телефонлар олиб киришдаги чекловларни юмшатган эди. Шу пайтгача жисмоний шахслар ҳар 6 ойда фақат битта телефон олиб кирган бўлса, 2024 йилнинг 28 январидан ҳар сафар чегарадан ўтишда 2 та олиб киришлари мумкин, лекин уларни мажбурий декларациялаш лозим.
