Сиёсат

Наманганлик фуқаро Ўзбекистон президентини ҳақоратлагани учун қамалди

Суд Эрондан қайтган 27 ёшли наманганлик фуқарони Facebook`да президент Шавкат Мирзиёевга нисбатан туҳмат ва ҳақоратли изоҳлар ёзгани учун 5 йилга озодликдан маҳрум қилди.

Ўзбекистоннинг Сингапурдаги элчиси мамлакат президентига ишонч ёрлиқларини топширди

Ишонч ёрлиқларини топшириш маросимидан сўнг Ўзбекистоннинг Сингапурдаги элчиси Алишер Қаюмов ва президент Тарман Шанмугаратнам икки томонлама муносабатларни муҳокама қилди. Тошкент инвестиция форумида Сингапур парламенти делегацияси ва мамлакатдаги 25 дан ортиқ компания вакиллари иштирок этади.

Иқтисодиёт

Энергия тарифлари ошиши фонида камбағаллик чегараси яна бир бор оширилди

Ўзбекистонда минимал истеъмол харажатлари 4,3 фоизга ўсди — ойига 621 минг сўмдан 648 минг сўмгача. Ушбу кўрсаткич камбағаллик чегарасини аниқлашда ишлатилади. Мазкур сумма 1 майдан газ ва электр энергияси тарифлари ошиши муносабати билан йил бошидан буён иккинчи марта янгиланди.

Нақд пул орқали тўловлар учун солиқ кешбэки бекор қилиниши мумкин — қарор лойиҳаси

Ўзбекистонда 1 июлдан тўловлар нақд пулда амалга оширилганда фискал чекларни рўйхатдан ўтказиш орқали олинадиган солиқ кешбэкларини тўлаш бекор қилиниши мумкин. Нақд пулсиз тўловлар учун кешбэк миқдори эса ҳозирги 1 фоиздан 2 фоизгача оширилиши мумкин.

Квартираларни сотишда солиқ базасини ҳар бир квадрат метр учун минимал миқдордан келиб чиқиш белгилаш таклиф этилмоқда

Ўзбекистонда уй-жой сотиб олиш жараёнининг шаффофлигини ошириш учун қурувчиларга солиқ солинадиган базани ҳар бир квадрат метр учун минимал миқдордан келиб чиқиб белгилаш таклиф қилинмоқда. Тошкент шаҳрида ўртача минимал миқдор квадрат метр учун 5−7,5 млн сўм этиб белгиланиши режалаштирилмоқда.

ЕТТБ президенти Одиль Рено-Бассо Ўзбекистонга келади

Европа тикланиш ва тараққиёт банки президенти Одиль Рено-Бассо Тошкентга ташриф буюради. У президент ва бошқа расмий шахслар билан музокаралар ўтказади, Хорижий инвесторлар кенгаши ва Тошкент халқаро инвестиция форумида иштирок этади.

Ўзбекистонда камёб металларни қазиб олиш бўйича 500 млн долларлик лойиҳалар ишлаб чиқилади

Шавкат Мирзиёев геология соҳасидаги вазифаларга бағишланган йиғилишда муҳим хомашё — литий, графит, индий, ванадий, ренийнинг янги конларини ўзлаштириш муҳимлигини таъкидлади. Шунингдек, у камёб металларни қазиб олиш ва қайта ишлаш бўйича 500 млн долларлик лойиҳаларни ишлаб чиқишни топширди.

Жамият

Ўзбекистонда «квартплата»ларнинг минимал миқдори тасдиқланди

Ўзбекистонда кўп квартирали уйлардаги мажбурий бадалларнинг энг кам миқдорлари тасдиқланди. Тошкентда улар бинонинг майдони ва қаватлар сонига қараб 1 кв метр учун 1147 сўмдан 1829 сўмгача бўлади. Уй бошқаруви компаниялари кўрсатиши шарт бўлган минимал ишлар ва хизматлар рўйхати ҳам тасдиқланди.

1 майдан нималар ўзгаради?

Энергия тарифлари ошади, ёлғиз кексалар ва ногиронлиги бўлганларга моддий ёрдам берилади, ҳокимликларга зилзила хавфи бўйича ойлик хулосалар киритилади, айрим ўзанларда норуда қазиб олишга мораторий жорий этилади, ижтимоий хизматлар кўрсатишга тадбиркорлар жалб этилади — 1 майдан нималар ўзгаради?

Оҳангарондаги боғда 1500 га яқин дарахт ёқиб юборилгани айтилмоқда

Тошкент вилояти Оҳангарон туманида номаълум шахс 1500 га яқин мевали ва манзарали дарахтни ёқиб юборгани айтилмоқда. Экология бошқармасининг маълум қилишича, тўпланган ҳужжатлар ҳуқуқни муҳофаза қилиш органларига тақдим этилган.

Тошкентдаги марказий кўчалардан бирида асфальт ўпирилиб тушди

Тошкентдаги Истиқбол кўчасида асфальт ўпирилиб тушди. Хабарда бунга иссиқлик қувурида авариявий ҳолат юз бергани сабаб бўлгани айтилган. Ҳокимлик муаммони бартараф этиш чоралари кўрилаётганини маълум қилди.

Тошкентнинг қайси ҳудудларида май ойида иссиқ сув таъминотида узилишлар бўлади? — рўйхат

Veolia Energy Tashkent компанияси Тошкент шаҳрида, жумладан, 6 та туманда май ойи учун иссиқ сув таъминотидаги узилишлар бўйича янгиланган жадвални эълон қилди.

Наманганда ўқувчи бошқарувчидаги Lacetti уриб юборган талаба вафот этди

Янги Наманган туманида 17 ёшли ўқувчи бошқарувида бўлган Lacetti йўл четидаги 4 нафар талабани уриб юборди. ЙТҲ оқибатида улардан бири жароҳат олди, бири шифохонада вафот этди. «Боламнинг беркитиб машина миниб келишидан хабарим йўқ эди», — деди ўқувчининг онаси.

Тошкент ва Қаршида 1 млрд сўмлик электр энергияси ҳамда 1 млрд сўмлик газдан ноқонуний фойдаланган цехлар аниқланди

Тошкентда 1 млрд сўмлик электр энергиясидан ноқонуний фойдаланган мебель цехи, шунингдек, Қаршида 1 млрд сўмлик газни қонунга хилоф равишда ишлатган корхона аниқланди. Ҳолатлар юзасидан жиноий ишлар қўзғатилди.

Тошкент ҳайвонот боғида навбатдаги васийлик дастури очилди

Тошкент ҳайвонот боғида жонзотларнинг яшаш шароитини яхшилаш учун навбатдаги васийлик дастури очилди. Бунда корпусларни таъмирлаш, ўйинчоқ, овқат олиб бериш, даволатиш ва бошқалар амалга оширилади. Бу даврда васий ва унинг оиласига имтиёзлар, жумладан, зоопаркка бепул кириш имкони берилади.

Тошкентда май-август ойларида «Битирувчи ва талаба-ёшлар» лойиҳаси ўтказилади

Тошкент шаҳрида май-август ойларида 1 млн кишини қамраб олиши кутилаётган «Битирувчи ва талаба-ёшлар» лойиҳаси ўтказилади. Бунда ёшларнинг бандлигига кўмаклашиш, тадбиркорликни қўллаб-қувватлаш, IT ва замонавий бизнес соҳаларига йўналтиришга оид 60 дан ортиқ тадбир ўтказиш белгиланган.

Ўзбекистон аҳолисининг марказлашган ичимлик суви билан таъминланиш даражаси 77 фоизга етди

Ўзбекистонда аҳолининг марказлашган ичимлик суви билан таъминланганлик даражаси 77 фоизни ташкил этмоқда. 2024 йил якунигача кўрсаткич 81 фоизга етказилиши режа қилинмоқда.

Ўзбекистонга айрим маҳсулотларни олиб киришда фитосанитария сертификати талаби бекор қилиниши мумкин

Чет элда фитосанитария сертификати талаб этилмайдиган ва фитосанитар хавфи паст бўлган карантин остидаги маҳсулотларни хориждан олиб киришда фитосанитария сертификатини талаб қилиш бекор қилинмоқда. Депутатлар тегишли қонун лойиҳасини биринчи ўйишда қабул қилди.

Марғилон аҳолиси омбудсманга мурожаат қилиб, гавжум чорраҳага светофор ўрнатишга эришди

Марғилон шаҳридаги «Хўжа порсо» МФЙ аҳолиси автоҳалокат хавфи юқори бўлган чорраҳага светофор ўрнатишга кўмак беришни сўраб омбудсманга мурожаат қилди. Омбудсманнинг «тегишли ташкилотлар»га мурожаатидан сўнг масала ижобий ҳал этилди.

Тошкентдан Чорвоққа автобуслар қатнови яна бошланди

Тошкентдан Чорвоққа кунига икки маҳал автобуслар қатнови йўлга қўйилди. Автобуслар «Машинасозлар» метро бекатидан эрталаб 8:00 ва кечки 18:00 да жўнайди, Хумсондан 6:00 ва 16:00 да қайтади. Йўлкира — 20 минг сўм.

Май ойида об-ҳаво қандай бўлади?

Ўзбекистонда май ойи қуруқ ва илиқ ҳаво билан бошланади. Биринчи ўнкунликда ҳарорат кундузи +26…+29 даража илиқ бўлади. Иккинчи ва учинчи ўнкунликларда кундузги ҳарорат +23…+28 дан +30…+35 даражагача ўзгариб туради. Айрим жойларда момақалдироқ, тоғли ҳудудларда кучли жала ва селлар бўлиши хавфи бор.

Ўзбекистон яна PISA тадқиқотида иштирок этади, бунга Жаҳон банки ёрдам беради

Ўзбекистон иккинчи бор Халқаро ўқувчиларни баҳолаш дастурида (PISA) иштирок этади. Лойиҳа яна Жаҳон банки томонидан қўллаб-қувватланади. PISA-2025`нинг пилот тестлари жорий йилнинг май ойида бўлиб ўтади. Ҳозирда таълим соҳаси мутахассислари методология билан танишмоқда.

Ўзбекистонда давлат боғчалари учун тўловлар икки баравар оширилади

1 июндан бошлаб давлат болалар боғчасида бола таъминоти учун тўловлар миқдори ўртача 18,7−21 фоизга ошади. 2025 йилдан бошлаб нархлар яна кўтарилади. Нархлар сўнгги бор уч йил аввал ошган эди.

Фото: Троллейбус ўрнига электробус

Тошкентликлар 1947 йилдан троллейбуслардан фойдалана бошлаган. Пойтахт бу транспорт тури билан 2010 йил 30 апрелида хайрлашганди. Ҳозир эса бир вақтлар троллейбуслар юрган йўлларда электробуслар ҳаракатланмоқда. «Газета.uz» айни бир жойда юрган троллейбус ва электробуслар суратларини жамлади.

«Одамлар меҳрибон бўлишини хоҳлайман». Тошкент ҳайвонот боғидаги Наврўз лақабли йўлбарс ҳикояси

Тошкент ҳайвонот боғида 10 яшар бир йўлбарс бор. Лақаби — Наврўз. Ўзи москвалик, 8 йилдан бери Тошкентда яшайди. Ҳаётнинг аччиқ-чучугини тотган, ҳатто бир «хотини» ва боласидан ҳам «айрилган». Бир тишидан ҳам айрилган. Наврўз ўз ҳикоясини «Газета.uz» билан бўлишди — унинг одамларга илтимоси бор.

Маданият

Ўзбек ва грек кулоллари Лондондаги ҳунармандчилик ҳафтасида қўшма асарини тақдим этади

Лондондаги ҳунармандчилик ҳафталигида ўзбекистонлик кулол Шоҳрух Раҳимов юнон устаси Яннис Зоис билан ясаган қўшма асари — чинни ва африканча ёғочдан ясалган ҳамда 22 каратлик олтин билан қопланган монументал тотемини тақдим этади.

Спорт

Президент футбол бўйича ёшлар терма жамоасини Париждаги Олимпиадага йўлланма олгани билан табриклади

Шавкат Мирзиёев футбол бўйича Ўзбекистон ёшлар терма жамоасини Қатарда ўтган Осиё кубоги финалига чиққани ва 2024 йилги ёзги Олимпия ўйинларига йўлланмани қўлга киритгани билан табриклади. «Бу эл-юртимизнинг неча йиллик буюк орзуси эди», — деди у.

Жаҳон

Хитойдаги йирик шаҳарларда ер чўкмоқда, бу сув тошқинларига сабаб бўлиши мумкин — тадқиқот

Тадқиқотчиларнинг аниқлашича, Хитойдаги йирик шаҳарларнинг салкам ярми ер чўкиши туфайли сув тошқини хавфи остида қолиши мумкин. Бу нафақат ерости сувлари сатҳининг пасайиши, балки ҳудудлардаги биноларнинг оғирлиги билан ҳам боғлиқ.

Қозоғистон ИИВнинг собиқ раҳбари январь воқеалари бўйича қўлга олинди

Қозоғистоннинг собиқ ички ишлар вазири Ерлан Тургумбаев 2022 йил январидаги норозилик намойишларида айбланиб ҳибсга олинди. У ҳокимият ва мансаб ваколатларини суиистеъмол қилганликда гумонланмоқда.

Бизни ўқиётганингиз учун раҳмат!