Узоқ йиллар МТРКнинг «Ахборот» дастурида фаолият юритган Абдурауф Қоржовов 68 ёшида вафот этди. Бу ҳақда Журналист уюшмаси ахборот хизмати хабар берди.
У 1956 йил 21 сентябрда Самарқанд вилояти Пайариқ туманида туғилган. 1981 йилда Тошкент давлат университетининг журналистика факультетини тугатган.
1992−2019 йилларда МТРКда турли лавозимларда, хусусан, «Ўзбекистон 24» каналида бош муҳаррир сифатида ишлаган.
2020 йилдан буён «Янги Ўзбекистон» газетасида фаолият кўрсатиб келаётганди.
1994 йилда Ўзбекистонда хизмат кўрсатган журналист унвонини олган. «Халқ таълими аълочиси» кўкрак нишони билан тақдирланган.
