Футбол бўйича Ўзбекистон миллий терма жамоаси ЖЧ-2026 иккинчи саралаш босқичининг бешинчи турида Туркманистон терма жамоасини мағлуб этди. 6 июнь куни Тошкентдаги «Бунёдкор» стадионида бўлиб ўтган ўйин 3:1 ҳисобида якунланди.
Учрашувнинг 17-дақиқасида бурчак тўпини ҳимоячи Хусниддин Алиқулов боши билан дарвозага йўллади ва ҳисоб очилди.
Туркманистон 25-дақиқада ҳисобни тенглаштирди — ҳужумчи Шаназар Тиркишов жамоадоши жарима майдончасига оширган тўпни Ўткир Юсупов дарвозасига киритди.
29-дақиқада Элдор Шомуродов билан комбинациядан сўнг ярим ҳимоячи Остон Ўрунов саралаш турнирининг 4 та ўйинидаги ўзининг 3-голига муаллифлик қилди.
41-дақиқада Ўрунов дубль қайд этиши мумкин эди, аммо тўпни тезда ўзига мослай олмади ва ва зарба йўллади.
Ўзбекистонликларда яна бир нечта гол уришга имконият бўлди, бироқ тўп ё дарвоза тўсинига тегиб қайтди ёки якунда аниқлик етишмади.
Бироқ 70-дақиқада ҳимоячи Шерзод Насруллаев жарима майдончаси ичидаги тўпни дарвозага киритиб, Ўзбекистоннинг устунлигини оширди.
Ўзбекистон терма жамоаси 13 очко билан иккинчи ўринда бормоқда, Гонконг билан параллель ўйинда ғалаба қозонган (2:4) ва тўплар фарқи яхшироқ (12 ва 9) Эрон пешқадам (13).
Март ойида Ўзбекистон ЖЧ-2026 саралашининг учинчи (ҳал қилувчи) босқичига, шунингдек, 2027 йилги Осиё Кубоги финал турнирига йўл олганди.
Статистика
Видео
Фото
