Qanot Sharq авиакомпанияси 1998 йилда ташкил топган. У Ўзбекистондаги энг ёши катта хусусий авиакомпаниялардан бири бўлиб, мамлакат фуқаро авиациясини ривожлантиришда муҳим ўрин тутади. Ўз фаолиятини юк ташишдан бошлаган. Qanot Sharq флоти таркибига олтита замонавий ҳаво кемалари — иккита Airbus A320, иккита Airbus A321 ва иккита Airbus A330 киради, бу йўловчилар учун юқори даражадаги хавфсизлик ва қулайликни таъминлайди.
Бугунги кунда Qanot Sharq ҳам ички, ҳам халқаро рейсларни амалга оширади:
- маҳаллий — Тошкент, Самарқанд, Фарғона, Бухоро, Қарши, Наманган, Урганч;
- халқаро — Москва, Санкт-Петербург, Истанбул, Жидда, Камрань, Фукуок, Пҳукет, Прага, Шарм-ал-Шайх, Тель-Авив, Будапешт.
30 июндан бошлаб Qanot Sharq «Тошкент — Будапешт — Тошкент» йўналишини йўлга қўяди, бу эса иш сафари, сайёҳлик ва спорт тадбирларини ўтказиш имконини беради. Ушбу қадам компаниянинг халқаро миқёсдаги иштирокини кенгайтириш ҳамда Ўзбекистон ва Венгрия ўртасидаги алоқаларни мустаҳкамлашда муҳим қадам бўлади.
Будапешт — маданият, туризм ва спорт чорраҳаси
Венгрия пойтахти ўзининг бой тарихи, маданий мероси, шунингдек, динамик спорт тақвими билан машҳур. У бизнес ва дам олиш учун саёҳат қилишга ажойиб имкониятларни тақдим этади. Будапешт ўзининг меъморий ёдгорликлари ва музейлари билан танилган — Венгрия парламенти биноси, Буда қалъаси ва Авлиё Стефан базиликаси бутун дунёдан кўплаб сайёҳларни ўзига жалб этувчи диққатга сазовор жойлардир. Венгрия миллий музейи ва Тасвирий санъат музейи каби музейлар ҳатто илғор саёҳатчиларни ҳам қизиқтирадиган бой кўргазмани таклиф этади.
Будапешт том маънода шифобахш сувлар денгизида жойлашган — бу бальнеологик курорт мақомига эга бўлган дунёдаги кам сонли пойтахтлардан биридир. Шаҳар ўзининг Сеченья ва Геллерт ванналари каби термал булоқлари билан машҳур бўлиб, улардан бири император Франц-Жозеф ташаббуси билан ўша пайтдаги мода югендстиль услубида қурилган ва қадимий даврда бутун Европа элитасини ўзига жалб қилган.
Бундан ташқари, Будапешт мунтазам равишда халқаро спорт тадбирларига мезбонлик қилади, жумладан, сув спорти мусобақалари, марафонлар ва велоспорт мусобақалари. Венгрия пойтахти аллақачон бир неча бор сув спорти бўйича жаҳон чемпионатига мезбонлик қилган. Бундан ташқари, Будапештда ҳар йили марафон ўтказилади, унинг маршрути шаҳарнинг гўзал ва тарихий аҳамиятга эга жойларидан ўтади. Буларнинг барчаси Венгрия пойтахтини спорт ихлосмандлари учун жозибали манзилга айлантиради.
Тошкентдан Будапештгача Qanot Sharq билан
«Тошкент — Будапешт — Тошкент» йўналишининг йўлга қўйилиши Ўзбекистон ва Венгрия ўртасидаги бизнес алоқаларини чуқурлаштириш ва сайёҳлик салоҳиятини кенгайтириш учун ажойиб имкониятдир. Ишбилармонлар алоқаларни ўрнатиш ва ҳамкорликни ривожлантиришнинг қулай ва тезкор усулига эга бўлади, сайёҳлар эса Европанинг энг жозибали шаҳарларидан бирига осон ва қулай етиб боришлари мумкин бўлади.
Парвозлар ҳафтада бир марта якшанба кунлари, 4 сентябрдан эса қўшимча равишда чоршанба кунлари ҳам амалга оширилади. Тошкентдан Будапештга парвоз вақти 6,5 соатгача, қарама-қарши йўналишда 5 соат 10 дақиқагача:
- Тошкентдан учиш вақти — 9:10, Будапештга келиш вақти — 12:40;
- Будапештдан учиш вақти — 14:00, Тошкентга келиш вақти — 22:10.
Qanot Sharq сизни янги рейслардан фойдаланишга ва ишончли ҳамда қулай авиаташувчи билан саёҳат қилишнинг афзалликларини ҳис қилишга таклиф қилади.
Телефонлар: (+998) 71−227−93−07.
Сайт: qanotsharq.com
Facebook: fb.com/qanotsharq
Instagram: @qanotsharq
Telegram: t.me/qanotsharq
Реклама ҳуқуқлари асосида.
