11 июнь куни ЖЧ-2026 саралаш ўйинлари иккинчи босқич доирасидаги сўнгги учрашувда ўзбекистонлик футболчилар Эрон билан дуранг натижа қайд этди — 0:0. Учрашув Эроннинг «Озоди» стадионида бўлиб ўтди.
Биринчи бўлимда тўпга эгалик борасида Эрон устунлик қилди: мос равишда 57 га 43 фоиз. Зарбалар бўйича ҳам эронликлар олдинда бўлди: 6 га 2.
Иккинчи бўлимда ҳам ҳар икки жамоада голли вазиятлар бўлди, аммо ҳисоб очилмади.
Шу тариқа, «E» гуруҳида Эрон 14 очко билан биринчи ўринни сақлаб қолди. Сречко Катанец шогирдлари ҳам 14 очко тўплаб, тўплар нисбатига кўра гуруҳда иккинчи бўлди. Гуруҳда Туркманистон учинчи (2 очко), Гонконг эса тўртинчи (2 очко) ўринни эгаллади.
Саралашининг 3-босқичига қуръа ташлаш маросими 27 июнь куни ўтказилади. 18 жамоа қуръа натижасида 3 гуруҳга тақсимланади. Ўзбекистон қуръа пайтида 3-саватдан ўрин олади. Бу босқич ўйинлари 5 сентябридан бошланади.
Эслатиб ўтамиз, 2023 йилнинг ноябрида Ўзбекистон миллий терма жамоаси иккинчи босқич доирасидаги иккинчи ўйинда Эрон билан дуранг ўйнаганди. Тошкентдаги «Бунёдкор» стадионида бўлиб ўтган ўйин 2:2 ҳисобида якунланган.
Ўйин обзори
Фото
