Рақобатни ривожлантириш ва истеъмолчилар ҳуқуқларини ҳимоя қилиш қўмитаси раиси ўринбосари Фаррух Карабаев Ўзбекистонда давлат монополияси кейинчалик тегишли комплаенсга риоя қилинмаслиги ва корпоратив бошқарув шаффофлигини таъминламаслик оқибатида хусусий монополияга айланиши риски борлигини қайд этиб ўтди. Бу ҳақда у 12 июнь куни Digital Uzbekistan ПЛАС-Форуми доирасида Spot нашрига берган интервьюсида гапирган.
«Биз ички бозорларни очишимиз, янги ўйинчиларнинг кириб келишидаги тўсиқларни олиб ташлашимиз керак. Кейин рақобат туфайли самарасиз давлат компаниялари ўз-ўзидан [бозордан] чиқиб кетади. Бироқ агар уларнинг улуши кейинчалик шаффоф корпоратив бошқарув ва тегишли комплаенсни таъминламай, хусусий компанияларга берилса, бу монополлашувнинг янада ёмон кўринишига олиб келиши мумкин», — дея таъкидлаган Рақобат қўмитаси раиси ўринбосари.
Фаррух Карабаев сўнгги уч йилда давлат корхоналари сони икки бараварга қисқарганини, келажакда ҳам қисқаришда давом этишини айтиб ўтган. Бундан ташқари, устун мавқега эга бўлган хусусий компаниялар улуши ортиб бориши кутилмоқда.
Вақти билан давлат компаниялари бозорни хусусийлашиш йўли билан ёки ўз-ўзидан тарк этади. Фаррух Карабаев буни табиий жараён деб атади.
