Ижтимоий тармоқларда ҳисоблагичларнинг электр қувватини ошириб кўрсатаётгани ёки ижтимоий меъёр доирасида истеъмолни нотўғри ҳисоблаётгани ҳақида истеъмолчиларнинг шикоятлари тарқалмоқда. Facebook`даги Потребитель.уз" гуруҳида фойдаланувчилар шу каби шикоятлар билан кўплаб хабарлар қолдирган.
Рақобатни ривожлантириш ва истеъмолчилар ҳуқуқларини ҳимоя қилиш қўмитаси томонидан мазкур ҳолатларни жойида ўрганиш ва муаммоларни бартараф этиш чораларини кўриш мақсадида тезкор ишчи гуруҳи тузилди.
Гуруҳ таркибига «Ўзэнергоинспекция», Техник жиҳатдан тартибга солиш агентлиги ва «Тошкент шаҳар электр тармоқлари» корхонаси вакиллари жалб қилинди.
«Ушбу ҳолатларни ўрганиш давомида аниқланадиган камчиликларни бартараф этиш бўйича қонуний чоралар кўрилиши таъминланади», — дейилади қўмита хабарида.
Бундай муаммоларга дуч келган истеъмолчилардан қўмитанинг ягона ишонч телефони (1159) ёки Telegram-боти @rquzBot орқали боғланишлари сўралади.
Тарифлар
Ўзбекистонда 1 майдан электр энергияси ва газ учун тўловлар миқдори оширилди, энергоресурслар истеъмоли бўйича ижтимоий норма жорий этилди.
1 майдан бошлаб Ўзбекистонда электр ва газ тарифлари оширилди , энергия истеъмолига ижтимоий стандартлар жорий этилди. Энергия истеъмолининг қуйидаги ижтимоий нормалари ўрнатилди (улар ноябр ойидан бошлаб кучайиб бораётган коеффициентларни алмаштиради):
- электр энергиясига — ойига 200 кВт/соатгача;
- газ (мартдан-октябргача) — 100 куб метргача;
- газ (ноябрдан-февралгача, яъни иситиш мавсумида) — 500 куб метргача.
Бу норма 2022 йил июль ойида ўрнатиш таклиф қилинган миқдордан камроқ (ўшанда электр энергияси — 250 кВт/соат, иситиш мавсумидан ташқари газ — 200 куб метр, иситиш мавсумида — 700 куб метр этиш таклиф этилганди), аммо кейин тарифларни оширишдан ва нормаларни жорий этишдан воз кечилди.
Ижтимоий норма деганда аҳоли томонидан имтиёзли ставкада тўланадиган миқдор тушунилади. Белгиланган меъёргача электр энергияси ёки газ нисбатан арзон (имтиёзли) нархда, ушбу меъёрдан юқори бўлса, бозор нархларида сотилади.
Аҳоли учун 1 кВт/соат электр энергиясининг базавий (ижтимоий меъёр доирасида) нархи 295 сўмдан 450 сўмга (+52,5 фоиз), 1 кубометр газ — 380 сўмдан 650 сўмга (+71 фоиз) ошди. Истеъмол ҳажмининг ошиши билан тариф сезиларли даражада ошади (батафсил).
